Bloomberg: папярэднія продажы PlayStation VR2 праваліліся

Паводле даных Bloomberg, пастаўшчыкі дысплеяў PlayStation VR2 атрымалі ад Sony скарочаныя заказы на кампаненты прылады. Кампанія запрасіла не больш за 1,5 мільёна вырабаў у перыяд між красавіком гэтага года і сакавіком наступнага. Паводле прагнозаў IDC, у 2022 годзе аб’ёмы продажаў прылад дапоўненай і віртуальнай рэальнасці аселі, у тым ліку праз заканчэнне ўплыву пандэміі каранавіруса.

Цяпер на рынку дамінуе Meta са сваімі прыладамі серыі Quest — каля 85%. Sony не трапляе нават у першую пяцёрку, яе доля на рынку не большая за 1%. Гарнітура кампаніі ацэньваецца ў $549, для працы ёй спатрэбіцца гульнявая кансоль PlayStation5, якая каштуе $399. На думку некаторых аналітыкаў, попыт можа выявіцца сціплым праз высокі кошт прылады.