«Так, як у Беларусі, я больш нідзе не вашаваў». Айцішнік раіць, як атрымліваць $18К у Польшчы

«Такі прыбытак, вядома, проста дах зносіць»

— Я франтэнд распрацоўшчык (Angular, Vue). Пачынаў з распрацоўкі сайтаў фрылансерам, першая афіцыйная праца была «на галерах» у EPAM за $250 на месяц.

Два гады таму вырашыў выехаць з Беларусі, працадаўца быў не супраць майго ад’езду і прапанаваў заключыць b2b дамову, але ўся легалізацыя — на мне. Мой заробак на той момант быў каля 3,5К. Карацей, стаў адгукацца на іншыя вакансіі і неўзабаве атрымаў пару офераў.

Максімум мне прапанавалі 5,8К, але я выбраў пазіцыю з троху меншым заробкам і цікавейшай працай. Не помніў сябе ад шчасця, бо нават не марыў пра такое.

А праз паўгода пачаў зноў павольна хадзіць на сумоўі, каб трымаць сябе ў тонусе. І оферы не прымусілі сябе доўга чакаць. Абраў міжнародную прадуктовую кампанію з заробкам каля $10К. Праца камфортная, цалкам аддаленая, і ніхто з бізуном не стаіць.  У прынцыпе, актыўнай працы там на 3 гадзіны на дзень, так што праз год я знайшоў другую працу — чарговы стартап з такім жа заробкам. Прыбытак, вядома, проста дах зносіць, але тут ужо ўдвая болей працы і стрэсу, так што не думаю, што доўга на ёй затрымаюся.

Са статычных выдаткаў: арэнда кватэры — $1000, кавярні — каля $300, медыцына —$100 і падарожжы (пра іх пазней). Невялікую частку ($200-300) укладваю ў крыпту або акцыі буйных кампаній накшталт Coca Cola, Booking і Starbucks. Яны таксама прыносяць прыбытак, але сумы невялікія. Акрамя таго, стараюся данаціць як мага часцей, цяпер спрабую выпрацаваць звычку і данаціць кудысьці абсалютна кожнага дня. Для мяне гэта важна.

Астатнія траты нават прыкладна не лічу, але зніжкамі і купонамі карыстаюся пастаянна: нашто плаціць больш, калі можна заплаціць менш?

Патраціць заробак дачыста даволі складана без нейкіх аднаразовых буйных пакупак або маштабных падарожжаў, так што рэшту я адкладаю на рахунку ў банку ў доларах і еўра — хачу найбліжэйшым часам купіць кватэру. Але пакуль на маіх рахунках менш за 50К, не так і шмат.

Заўважыў пацешнае: у айцішнікаў з высокім дастаткам звычайна больш вольнага часу. Чым заможнейшы працадаўца, тым спакайнейшая атмасфера на працы, няма авертаймаў і жорсткіх дэдлайнаў. Так, як я вашаваў у Беларусі, я больш нідзе не вашаваў! А цяпер вольнага часу так шмат, што хапіла нават на другую працу.

«Працяглая паездка ў ЗША цалкам можа „зжэрці“ тысяч дзесяць»

Я стараюся шмат падарожнічаць, таму большая частка заробку сыходзіць на вандроўкі. Лятаю мінімум раз на месяц па Еўропе з жонкай, працую адтуль. Адпачынак бяру, толькі калі трэба кардынальна змяніць часавы пояс або пры падарожжы на машыне за стырном. Але тут варта сказаць, што гэта не вымушанае, а ўсвядомленае рашэнне, каб прабавіць паўнавартасны адпачынак якасней. Працаваць у адпачынку мяне не напружвае: я люблю сваю працу, займаюся гэтым з дзяцінства на ўласнае жаданне, а калі працы няма, я сам для сябе яе прыдумляю — пішу якую-небудзь праграму або гульню.

Нядаўна адкрыў для сябе краіны, куды не лятаюць лаўкостары. Напрыклад, Славенія — прыгожая і пры гэтым недарагая краіна, на адлегласці ў 150 км альпійскія заснежаныя горы і адрыятычнае ўзбярэжжа з кіпарысамі і старымі гарадамі. Выдатныя дарогі, танная арэнда аўто, добры сэрвіс.

Ну і з ростам прыбытку растуць выдаткі, бо прызвычайваешся да пэўнага ўзроўню камфорту. Пасля пералёту прэміум-эканомам у ЗША ляцець на далёкія адлегласці звычайным эканомам я ўжо не змагу. Ды і ў цэлым радзей стаў лятаць лаўкостарамі — у таго ж Lot зручнейшы час вылету і нармальная цана, як закупляешся ў серады, калі там зніжкі.

Я больш не начую ў хостэлах, аддаючы перавагу сеткавым гатэлям сярэднебюджэтнага сегмента, накшталт Ibis або Ibis Style. Так што працяглая паездка ў ЗША цалкам можа «зжэрці» тысяч дзесяць: гатэль на два тыдні ў Нью-Ёрку ўстане ў 4К, плюс пералёт, забаўкі. Можна яшчэ і тэхнікай закупіцца.

Заўважыў, што далей за пэўны ўзровень рост даходаў ужо не так адчуваецца. Напрыклад, у кавярні я хадзіў яшчэ быўшы мідлом з 2К, падарожнічаць пачаў яшчэ раней. Проста больш пачынаеш цаніць свой час і камфорт.

«Вакансіі на польскай або рускай можна адразу прапускаць»

Каб айцішнікі зарабляць 10К+, трэба не толькі шанцунак, але і падрыхтаваная глеба. Магчыма, мае парады камусьці дапамогуць падрыхтаваць гэтую глебу:

• Стварыце выдатнае рэзюмэ і завядзіце актыўную  старонку ў LinkedIn, якая абнаўляецца. І так, памяняйце вы ўжо краіну ў LinkedIn на Польшчу.
• Не саромейцеся прасіць павышэння. Упэўнены, у рамках адной кампаніі могуць быць два аднолькавыя распрацоўшчыкі, якія зарабляюць па-рознаму, што ўжо казаць пра розныя кампаніі. На сумоўях трэба максімальна падрабязна расказваць пра сябе і пра тое, што вы ўмееце і ведаеце. Ну і ставіць адразу вышэйшы цэннік.
• Вакансіі з апісаннем на польскай або рускай можна адразу прапускаць — там такіх заробкаў няма. На рускую мову пры пошуку працы забудзьцеся.
• У маім выпадку асноўную ролю адыграў торг працадаўцаў паміж сабой. Таму, калі прыйшлі два оферы і ў другога прапанова цікавейшая, не саромейцеся напісаць пра гэта першаму (раптам захоча перабіць), а потым вярніцеся да другога і гэтак далей.
• Не бойцеся брацца за сумежныя вобласці: эстымацыі, планаванне, менеджмент.
• Мяняйце працу хаця б раз на два гады. Чым часцей вы змяняеце працадаўцу, тым вышэйшы заробак. Нават калі вас усё задавальняе, адказвайце рэкруцёрам, хадзіце на сумоўі, але называйце такую суму, дзеля якой вы б адразу звольніліся. Праз пару дзясяткаў сумоўяў такая прапанова знойдзецца.
• Для тых, хто не верыць у існаванне такіх заробкаў: цяпер мяне ўсё задавальняе, але ўсім рэкруцёрам, якія да мяне грукаюцца, я пішу, што разглядаю пазіцыі толькі ад $12К на месяц. Ад таго моманту, як я пачаў так адказваць, мне пад сотню чалавек напісалі, што гэта па-за іх дыяпазонам. Але мінулага тыдня прыйшоў станоўчы адказ. Так што ўсё магчыма!»

Вы дачыталі гэты матэрыял да канца. Калі вы тут апынуліся, значыць, хутчэй за ўсё, вас штосьці зачапіла. Выдаткуйце яшчэ 30 секунд, калі ласка.  

Беларускае ІТ нельга ўявіць без dev.by.

Мы ўжо амаль 15 гадоў робім важныя і сумленныя матэрыялы, дапамагаем кожнаму з вас дзяліцца прафесійным досведам і думкамі, робім беларускую версію. Мы радаваліся поспехам індустрыі разам, звярталі ўвагу на несправядлівасць, даем слова кожнаму.

Сёння рэдакцыя dev.by — каманда аддаленых беларусаў з 10 чалавек. Яшчэ ў нас ёсць менеджмент, бэкофіс і, вядома, тэхнічныя спецыялісты. У нас 600+ тысяч чытачоў штомесяц і дзясяткі тысяч у тэлеграм-каналах і сацыяльных сетках. Мы выпускаем 300+ навін і вялікіх тэкстаў, накшталт таго, што вы толькі што чыталі. Усе беларускія медыя цытуюць dev.by.

Ва ўсіх цёмныя часы. І мы ідзем праз ідэальны шторм разам з кам’юніці. Нашыя рэкламныя даходы, якія былі крыніцай фінансавання рэдакцыі, скараціліся ў некалькі разоў.

Пры гэтым мы ўпэўненыя, што тым больш важна працягваць заставацца месцам сустрэчы беларускай ІТ-супольнасці — усіх, хто застаецца і з’язджае.

Вы можаце нам дапамагчы. Пры канцы мінулага года мы запусцілі падпісную кампанію — пачалі збіраць данаты ад чытачоў. Мы хочам у 2023 сабраць 1000 чытачоў-падпісчыкаў. Цяпер іх 170.

Дапамагчы нам можна праз Patreon. 

З Беларусі — праз Donorbox.

І яшчэ крыптой, тут гаманцы.

Цяпер сярэдні чэк — каля 10$, але мы радыя любой суме. Штомесячныя плацяжы робяць нашыя планы больш прадказальнымі, але вы самі глядзіце, як вам зручна :)

Дзякуй, што прачыталі гэтае паведамленне.