Брытанская кампанія тэсціруе надрукаваныя на 3D-прынтары ракетныя рухавікі

Вытворца надрукаваў рухавікі на ўласным прынтары Skyprint 2. Паводле слоў гендырэктара і заснавальніка кампаніі Уладзіміра Лявыкіна, мэта — гэта першы камерцыйны запуск ракеты на арбіту. Калі выпрабаванні пройдуць паспяхова, то Skyrora плануе нарасціць вытворчасць рухавікоў і скончыць тэсціраванне трохступенчатай 23-метровай ракеты-носьбіта Skyrora XL з карыснай нагрузкай да 315 кілаграмаў. Цяпер паспяхова прайшлі выпрабаванні другой і трэцяй ступеняў ракеты.

Лявыкін заснаваў прыватную касмічную кампанію Skyrora ў 2017 годзе. Штаб-кватэра кампаніі знаходзіцца ў Эдынбургу, штат налічвае 160 чалавек. У 2022 годзе кампанія падала заяўку ў брытанскае ўпраўленне грамадзянскай авіяцыі на атрыманне права выконваць арбітальныя пускі з касмадрома SaxaVord на Шэтландскіх астравах. Перад гэтым неабходна пратэсціраваць першую ступень ракеты з новымі рухавікамі.