Былы спецагент ФБР Патрык Ярач, які меў доступ да дзяржаўных сакрэтаў, апынуўся пад судом за крадзёж амаль мільёна долараў у крыптавалюце. Грошы ён вывеў з кашалькоў падследнага — расійскага грамадзяніна, які трапіў у прыцэл падраздзялення нацыянальнай бяспекі, паведамляе Jerusalem Post.
Былы спецагент ФБР Патрык Ярач, які меў доступ да дзяржаўных сакрэтаў, апынуўся пад судом за крадзёж амаль мільёна долараў у крыптавалюце. Грошы ён вывеў з кашалькоў падследнага — расійскага грамадзяніна, які трапіў у прыцэл падраздзялення нацыянальнай бяспекі, паведамляе Jerusalem Post.
У канцы 2024 года Ярач расчараваўся ў працы бюро: яго раздражняла, што ФБР ніяк не блакуе актывы расіяніна. У выніку агент вырашыў «узяць усё ў свае рукі». Ён падняў сакрэтныя архівы, завучыў сід-фразы ад кашалькоў і за 10–12 падыходаў перавёў крыпту на свае рахункі.
Выкрадзены капітал агент вырашыў пусціць у справу: у ягоным тэлефоне пазней знайшлі перапіску з ChatGPT, дзе ён высвятляў, як выгадна ўкласці мільён долараў і як пераехаць у ЕС. Таксама высветлілася, што ён планаваў сямейную паездку ў Партугалію.
Частку грошай ён закінуў у крыптасервіс пазык Suilend, каб атрымліваць працэнты. Ён выбраў гэту платформу таму, што яму спадабаўся лагатып з кропляй вады.
Гісторыя выплыла праз згрызоты сумлення Ярача. У канцы ліпеня 2026 года ён сам папрасіўся на сустрэчу з супрацоўнікам Міністэрства юстыцыі ЗША, дзе зламаўся і ва ўсім прызнаўся. Падчас вобшуку ў ягоным доме ў Вірджыніі знайшлі паперкі з запісанымі ад рукі сід-фразамі. Сам Ярач не змог назваць дакладную суму выкрадзенага, бо змяшаў крыпту з уласнымі зберажэннямі і інвестыцыйным прыбыткам. Ён выказаў здагадку, што гаворка ідзе менш чым пра $1 млн.
ФБР звольніла агента 31 ліпеня і ў той жа дзень арыштавала. Большую частку выкрадзенай крыпты на $925 тысяч ведамства ўжо перавяло на ўрадавыя кашалькі.
Рэлацыраваліся? Цяпер вы можаце каментаваць без верыфікацыі акаўнта.