CEO GitHub сыходзіць у адстаўку. Замяняць яго не будуць

Домке застанецца ў кампаніі да канца года, пасля чаго запусціць новую кампанію — напісаў, што хоча «зноў стаць фаўндэрам». Сваю пасаду ў GitHub ён заняў у лістападзе 2021 года.

Паводле інфармацыі Axios, Microsoft не будзе шукаць наўпроставую замену на вызваленую пазіцыю. Кіраўніцтва GitHub цяпер будзе падсправаздачна некалькім топам Microsoft.

«GitHub налічвае больш за 1 млрд рэпазіторыяў і форкаў, а таксама больш за 150 млн распрацоўшчыкаў, і сёння ён моцны як ніколі. Колькасць опенсорсных праектаў і дзеянняў у іх расце з года ў год. Колькасць ШІ-праектаў толькі ў мінулым годзе вырасла ўдвая. Па прысутнасці ў кампаніях розных памераў нам няма роўных на рынку», — адзначыў Домке.

Рашэнне аб сыходзе ён прыняў на фоне росту канкурэнцыі ў сферы ШІ-інструментаў для праграмістаў з боку такіх кампаній, як Google і Cursor.