CEO OpenAI хапае 10 хвілін, каб вырашыць, ці хоча ён працаваць з чалавекам, ці не

«У чым я пераконваюся зноў і зноў, гэта ў тым, што ў 90% выпадкаў я на працягу першых 10 хвілін магу сказаць, ці хачу я працаваць з чалавекам, калі падумаў, што ён можа выявіцца выключным», — адзначыў Альтман.

Прадпрымальнік дадаў, што людзі, наконт якіх ён гадзінамі мучыцца сумневамі, звычайна выяўляюцца не вельмі добрымі партнёрамі.

Здольнасць хутка прымаць бізнэс-рашэнні ў яго развілася ў гады працы са стартап-акселератарам Y Combinator, дзе ў фаўндараў было ўсяго 10 хвілін сумоўя, каб пераканаць інвестараў даць грошы. У той час Альтман падтрымаў такія кампаніі, як Airbnb, Dropbox і Reddit.

Напрыклад, роўна столькі яму спатрэбілася, каб разглядзець талент кіраўніка крыптапраекта Worldcoin Алекса Бланіі і далучыцца да яго. Кампанія прапаноўвае добраахвотнікам крыптавалюту за скан сятчаткі вока — гэта трэба для распрацоўкі тэхналогіі, якая дазволіць адрозніваць людзей ад АІ. «Я быў надта ўпэўнены, што Алекс выключны. Мне сапраўды хацелася працаваць з ім», — сказаў Альтман.

Акрамя гэтага, ён падзяліўся прагнозамі пра ChatGPT. Альтман перакананы, што калі-небудзь чат-ботам будзе карыстацца 8 млрд чалавек, то-бок практычна ўсё насельніцтва Зямлі.