CEO Salesforce: у нас амаль палову працы робіць ШІ

Ад 30% да 50% працы на ключавых пазіцыях у Salesforce ужо робіць ШІ, у тым ліку ў софтвернай распрацоўцы і тэхпадтрымцы.

«ШІ зараз выконвае 30-50% працы ў Salesforce. І я думаю, што гэтая тэндэнцыя працягнецца. На мой погляд, нам усім трэба прыняць той факт, што ШІ можа рабіць рэчы, якія раней рабілі мы, а мы цяпер можам узяцца за працу больш высокага ўзроўню», — адзначыў Беніёф.

Microsoft і Alphabet раней таксама казалі, што ў іх прыкладна траціну новага кода на некаторых праектах піша ШІ. А Salesforce заяўляла, што дзякуючы ўкараненню ШІ запаволіла наём.

Акрамя свайго ключавога ПЗ, Salesforce прадае інструмент на базе ШІ для аказання падтрымкі кліентаў без удзелу жывых супрацоўнікаў. Ім карыстаецца шэраг буйных кліентаў, напрыклад, Walt Disney. Беніёф кажа, што дакладнасць інструмента дасягае прыблізна 93%. Па стане на студзень штат кампаніі складаў больш за 76 тысяч чалавек.