Аддзел навін world 30 мая 2025, 17:07

Salesforce стала наймаць менш праграмістаў з-за ШІ

Дзякуючы інструментам штучнага інтэлекту Salesforce скараціла найм супрацоўнікаў. Пра гэта паведаміў фінансавы дырэктар кампаніі Робін Уошынгтан падчас відэаканферэнцыі з аналітыкамі на гэтым тыдні.

2 каментарыя

Salesforce стала наймаць менш праграмістаў з-за ШІ

Дзякуючы інструментам штучнага інтэлекту Salesforce скараціла найм супрацоўнікаў. Пра гэта паведаміў фінансавы дырэктар кампаніі Робін Уошынгтан падчас відэаканферэнцыі з аналітыкамі на гэтым тыдні.

Паводле яго слоў, ШІ знізіў патрэбу Salesforce у найме. Напрыклад, 500 супрацоўнікаў тэхпадтрымкі ўжо сёлета будуць пераведзены на іншыя пазіцыі ў кампаніі. Такім чынам яна разлічвае зэканоміць $50 млн.

Уошынгтан адзначае, што ШІ павышае прадуктыўнасць, таму цяпер кампанія наймае менш інжынераў: «Мы разглядаем ШІ як асістэнта, але ён дазволіць нам наймаць менш і, спадзяемся, зробіць нашых супрацоўнікаў больш прадуктыўнымі». Па стане на 31 студзеня штат Salesforce налічваў 76,5 тысяч чалавек.

Аднак па некаторых пазіцыях кампанія, наадварот, нарошчвае найм — напрыклад, менеджараў па продажах. Зараз у яе працуе 13 тысяч такіх спецыялістаў, і ў гэтым годзе іх колькасць плануецца павялічыць на 22% у параўнанні з мінулым.

Раней сёлета Salesforce папярэджвала, што скараціць больш за тысячу чалавек і замест гэтага сканцэнтруецца на пазіцыях, звязаных з ШІ — у прыватнасці, у продажах.