Чаму павышаўся і паніжаўся заробак у айцішнікаў у 2023
Згодна са свежым дакладам Tech Salary Report ад Dice, айцішныя заробкі ў ЗША ў 2023 годзе крыху знізіліся з $111 348 у 2022-м да $111 193. Больш за ўсё падзенне закранула тых, хто ў галіне адносна нядаўна — да 5 гадоў — і хто працуе ў салідных тэхнахабах накшталт Крэмніевай даліны, Сіэтла і Бостана. Між тым зарплаты дасведчаных і вузкапрофільных ІТ-спецыялістаў паказалі рост, асабліва ў тэхналагічных цэнтрах, што развіваюцца, такіх як Сан-Антоніа і Філадэльфія.
Сярод рэспандэнтаў, у якіх зарплата павысілася, 41% у якасці прычыны пазначылі бонус за высокую прадукцыйнасць (merit raise). У 2022 годзе такіх было толькі 10%. Іншымі частымі драйверамі заробкаў сталі змена працадаўцы (15%), прасоўванне па кар’ернай лесвіцы і агульнакарпаратыўныя дадаткі (па 9%).
Галоўным фактарам, які паўплываў на заробкі айцішнікаў негатыўна, выявіўся пераход на новую працу (27%). 14% апытаных звязваюць падзенне даходу са звальненнямі.
Цалкам даклад Dice можна пачытаць па спасылцы.
Читать на dev.by