Тэставае заданне, напісанае нейрасеткай ChatGPT, увайшло ў пералік прац, чыіх аўтараў адабралі для праходжання сумоўя ў адной кансалтынгавай фірме, піша брытанскі канал Sky News.
Тэставае заданне, напісанае нейрасеткай ChatGPT, увайшло ў пералік прац, чыіх аўтараў адабралі для праходжання сумоўя ў адной кансалтынгавай фірме, піша брытанскі канал Sky News.
Эксперымент, у рамках якога правяралася каманда рэкруцёраў і софт для падбору персаналу, арганізаваў гендырэктар кампаніі Schwa Ніл Тэйлар. Ён хацеў паглядзець, ці змогуць яны распазнаць тэкст, напісаны штучным інтэлектам — і гэтай задачы яны не далі рады.
Тэйлар даў нейрасетцы заданне ў 300 словах напісаць, у чым, на яе думку, сакрэт стварэння добрых тэкстаў. Тое ж самае прапанавалі зрабіць рэальным кандыдатам.
Калі коратка, ChatGPT адказала, што сакрэт поспеху — ва ўменні расказваць гісторыі. Поўная версія эсэ — тут.
Імёны і рэзюмэ суіскальнікаў рэкруцёрам не паказвалі. Яны наогул не ведалі, што адзін з тэкстаў быў напісаны машынай.
Тэйлар кажа, што нейрасетка выявілася «кампетэнтнейшай» за большасць суіскальнікаў. Для сумоўя з ім рэкруцёры адабралі менш за 20% кандыдатаў, і ў іх лік трапіла ChatGPT.
Прадпрымальнік адзначыў, што штучнаму інтэлекту былі дадзеныя вельмі падрабязныя інструкцыі, аж да імітацыі стылю амерыканскага пісьменніка Дэйва Трота. Рэкруцёры, паводле яго слоў, крыху знерваваліся, як даведаліся, што прапусцілі на працу чатбота.
Раней журналісты Insider прапанавалі рэкруцёрам ацаніць два суправаджальныя лісты, напісаныя ChatGPT: для асістэнта па сацсетках і бухгалтара. Яны адзначылі, што тэксты выглядалі натуральна і што, хутчэй за ўсё, іх аўтар атрымаў бы званок. Але пагадзіліся, што ў лістах адсутнічала «індывідуальнасць».
Рэлацыраваліся? Цяпер вы можаце каментаваць без верыфікацыі акаўнта.
Немного занудства. У рекрутеров тщеславие. Они считали себя идеальными и не способными на ошибку, если расстроились. Нормальная реакция - посмеяться и сделать выводы.