У студзені ChatGPT перасягнула адзнаку ў 100 млн штомесячных актыўных карыстальнікаў — усяго праз два месяцы па запуску. Такім чынам, чат-бот OpenАІ стаў самай хуткарослай спажывецкай праграмай у свеце, піша Reuters са спасылкай на даследаванне UBS.
Паводле даных аналітычнай фірмы Similarweb, у студзені нейрасеткай у сярэднім карысталася прыкладна 13 млн унікальных карыстальнікаў на дзень. Гэта больш як удвая перавышае снежаньскі паказчык.
«За 20 гадоў назіранняў за інтэрнэт-прасторай мы не можам назваць хутчэйшага росту спажывецкай інтэрнэт-праграмы», — напісалі спецыялісты UBS.
Для параўнання, паводле даных Sensor Tower, TikTok дасягнуў такога распаўсюджвання за 9 месяцаў па запуску, а Instagram спатрэбілася 2,5 гады, каб набраць 100 млн MAU.
Рэлацыраваліся? Цяпер вы можаце каментаваць без верыфікацыі акаўнта.