Што рабіць, калі не ладзіш з босам? Тлумачыць экс-віцэ-прэзідэнт па персанале Microsoft

Зразумейце, што вы з менеджарам не «сябры»

Адкрытыя і душэўныя адносіны з босам — прыемны, але ні разу не абавязковы атрыбут працоўнага жыцця. Калі адносіны строга дзелавыя, гэта норма.

Часам могуць канфліктаваць людзі з рознымі характарамі, напрыклад, замкнёны інтраверт-падначалены і прамалінейны таварыскі бос — асабліва калі другі занадта стараецца разварушыць першага. Вы не абавязаныя быць такім жа, як бос, замест гэтага можна проста ветліва адмовіць. Гэта складана, але лепш, чым прыкідвацца тым, кім вы не з’яўляецеся.

Бывае і наадварот, менеджар «трымае дыстанцыю», а падначаленаму хочацца больш чалавечных адносін, і спробы «расцепліць лёд» разбіваюцца дашчэнту. Тут трэба зразумець, што многія ставяцца да працы менавіта як да працы і не змешваюць яе з асабістым жыццём. Гэта таксама нармальна, трэба гэты выбар паважаць і не навязвацца, каб не сапсаваць адносін.

Магчыма, паміж падначаленым і начальнікам паўстаў канфлікт, які сапсаваў некалі добрыя адносіны, камунікацыя ідзе туга, і даверу таксама няма — а ўзаемадзейнічаць даводзіцца штодня. У такім выпадку

Шукайце пункты судакранання

Ва ўсіх выпадках трэба шукаць  пункты судакранання — яны дапамогуць наладзіць эфектыўныя працоўныя адносін і прыйсці да згоды.

Праблема ў тым, што звычайна людзі спрабуюць шукаць пункты ўзаемадзеяння на асабістым узроўні, напрыклад, аповедамі з жыцця і пра жыццё — тое, што трэба для збліжэння з сямейнікамі або сябрамі.

Працоўныя адносіны не пра гэта. Зноў жа, большасць людзей на працы для таго, каб працаваць, а не заводзіць сяброў, і не хочуць дзяліцца чымсьці асабістым.

Пункты судакранання не абавязкова мусяць ляжаць у плоскасці асабістага, каб спрыяць наладжванню адносін. Галоўнае — зразумець начальніка: што ім рухае, ці клапоціцца ён пра кліентаў і кліенцкі досвед, ці засяроджаны на лічбах і прыбытку, на іміджы ці на чым яшчэ. Што б гэта ні было, паспрабуйце зразумець, што важна для боса і як ён прыйшоў туды, дзе знаходзіцца цяпер — і гуляйце на гэтым. Напрыклад, дзяліцеся гісторыямі пра паспяховую працу з кліентамі, выкладвайце свой досвед у табліцах і лічбах, знайдзіце спосабы дапамагчы вашаму падраздзяленню вылучыцца ў кампаніі.

Звычайна людзям падабаецца, калі іх каштоўнасці знаходзяць водгук у навакольных. Нават калі вам не падабаецца ваш бос і вы ніколі не пасябруеце, памятайце, што вы кантактуеце з ім для працы. Пражывайце поспехі і няўдачы каманды, і праз гэтыя ўзаемасувязі спрабуйце выбудаваць давер для эфектыўнага супрацоўніцтва. Для гэтага зусім не абавязкова любіць свайго боса — важная толькі агульная мэта і пункт судакранання.

У ЗША палічылі, колькі часу эканоміць аддаленая праца ў розных краінах

Па тэме

У ЗША палічылі, колькі часу эканоміць аддаленая праца ў розных краінах

Кампаніі прыдумляюць супрацоўнікам бязглуздыя «менеджарскія» пасады, каб не аплачваць авертаймаў

Па тэме

Кампаніі прыдумляюць супрацоўнікам бязглуздыя «менеджарскія» пасады, каб не аплачваць авертаймаў