Што рабіць, калі вас назвалі неэфектыўным супрацоўнікам: парады былога эйчара Google

Рывера працавала ў hr-аддзеле Indeed цягам трох гадоў і каля двух гадоў у Google, цяпер яна займаецца кар’ерным коўчынгам. Эксперт адзначае, што часта людзі бываюць шакаваныя, калі даведваюцца, што іх праца прызнана неэфектыўнай. Рывера заклікае не адчайвацца і нагадвае, што гэта «усяго толькі цэтлік, і ён не азначае, што з вамі нешта не так». Паводле яе слоў, нярэдка такая ацэнка можа быць вынікам непаразуменняў, змены кіраўніцтва ці мэт кампаніі, пра якія супрацоўніка своечасова не праінфармавалі.

Эрыка прапануе чатыры ключавыя крокі, якія варта зрабіць, калі вас назвалі неэфектыўным супрацоўнікам:

1. Высветліце сітуацыю: Вельмі часта прычынай нізкай прадукцыйнасці можа быць неадпаведнасць чаканняў і мэт. Неабходна шчыра пагаварыць з менеджарам і высветліць, паводле якіх крытэрыяў ацэньваецца ваша праца, як выглядае поспех у бліжэйшыя 60–90 дзён і у чым менавіта вы не адпавядаеце чаканням. Важна зразумець, як вашыя задачы звязаныя з мэтамі каманды і ўсёй арганізацыі. Атрымаўшы выразнае ўяўленне пра чаканні, вы зможаце мэтанакіравана працаваць над іх выкананнем.
2. Дзейнічайце і дакументуйце: Пасля размовы з кіраўніком трэба ўважліва адсочваць свой прагрэс. Рывера настойліва раіць: «дакументаваць, дакументаваць і яшчэ раз дакументаваць» ўсе свае дасягненні. Гэта можа ўключаць любыя станоўчыя водгукі, дасягнутыя паказчыкі (якія таксама павінен адсочваць ваш менеджар) і ўнутраныя ўзнагароды. Такія запісы стануць пацвярджэннем вашай працы і прагрэсу.
3. Рэгулярна камунікуйце з менеджарам: Штотыднёвыя або хаця б два разы на месяц сустрэчы сам-насам з кіраўніком з’яўляюцца абавязковымі. Падчас гэтых сустрэч варта паведамляць пра свае поспехі, ключавыя паказчыкі і станоўчыя водгукі. Пасля кожнай сустрэчы рэкамендуецца дасылаць менеджару ліст з кароткім выкладам дасягнутых дамоўленасцяў, перамог, сфер для паляпшэння і планаў на наступны тыдзень. Нават калі кіраўнік не прачытае гэты ліст, ён стане дадатковым пацвярджэннем вашай ініцыятыўнасці і адказнасці. Важна інфармаваць кіраўніка пра свой рух да пастаўленых мэт.
4. Абнавіце рэзюмэ і разгледзьце іншыя варыянты: Нягледзячы на ўсе намаганні ўнутры кампаніі, важна таксама абнавіць сваё рэзюмэ і профіль у LinkedIn. Пачніце аднаўляць кантакты са старымі знаёмымі і даведвайцеся пра магчымыя вакансіі ў іншых арганізацыях. Пры гэтым не варта негатыўна выказвацца пра былую кампанію, бо гэта можа стварыць дрэннае ўражанне ў патэнцыйных працадаўцаў. Калі на сумоўі вас спытаюць пра прычыны пошуку новай працы, можна адказаць, што ў вас змяніліся прыярытэты ў кар’еры. Ні ў якім выпадку не варта самастойна навешваць на сябе цэтлік «неэфектыўны супрацоўнік».

Як выціснуць максімум з рэгіянальнага цэнаўтварэння: парады ад Дзмітрыя Гурскага

Па тэме

Як выціснуць максімум з рэгіянальнага цэнаўтварэння: парады ад Дзмітрыя Гурскага