За 7 гадзін праехала амаль 1000 аўто — што адбываецца на польска-беларускай мяжы пасля адкрыцця

Раніцай ДМК паведаміў, што мытня ўзмацніла змены, і да 8 гадзін мяжу паспела перасячы каля тысячы аўто. У «Казловічах» польскія кантралюючыя службы прынялі 260 грузавікоў, у адваротным напрамку праехала 100 грузавікоў. У «Брэсце» у агульнай колькасці польскі бок падаў і прыняў каля 550 легкавых аўтамабіляў.

Па стане на 16 гадзін выезду з Беларусі ў пункце пропуску «Брэст» чакалі 2715 легкавых аўтамабіляў — на момант адкрыцця межаў было 3252. З таго часу чарга паступова змяншаецца.