Паводле дадзеных CoinGecko, 52,7% усіх крыптавалют, зарэгістраваных на крыптатрэкеры з 2021 года, спынілі гандаль. Правал пацярпелі 3,7 млн з прыкладна 7 млн токенаў.
Паводле дадзеных CoinGecko, 52,7% усіх крыптавалют, зарэгістраваных на крыптатрэкеры з 2021 года, спынілі гандаль. Правал пацярпелі 3,7 млн з прыкладна 7 млн токенаў.
Пры гэтым амаль палова з іх выйшла з гульні ў 2025 годзе. У першым квартале адбыўся крах 1,8 млн токенаў, што складае 49,7% ад усіх за апошнія некалькі гадоў. Аналітыкі звязваюць рэзкае зніжэнне выжывальнасці токенаў з турбулентнасцю на рынку ў цэлым, асабліва пасля інаўгурацыі Дональда Трампа ў студзені, якая супала з падзеннем на крыптарынку.
Акрамя таго, у апошнія гады быў зафіксаваны скачок агульнай колькасці крыптапраектаў. Калі ў 2021 годзе іх налічвалася 428 тысяч, то ў 2025-м — амаль 7 мільёнаў. Выбуховы рост у значнай ступені тлумачыцца запускам платформы pumf.fun, якая спрасціла працэс стварэння токенаў і прывяла да буму мемкоінаў з нізкімі выдаткамі на старце. Больш за ўсё крыптапраектаў выйшла на рынак у 2024 годзе — больш за 3 млн. Пры гэтым толькі за 1 квартал 2025 года было запушчана прыкладна дзве траціны ад гэтай колькасці — 1,9 млн.
Агульны аб’ём крыптарынку эксперты CoinGecko ацэньваюць у $3,8 трлн — мінус 18,6% у параўнанні з першым кварталам 2024 года. 59,1% рынку належыць біткойну.
Адной з самых гучных падзей крыптарынку сёлета стаў запуск фірмовага токена Трампа — $TRUMP. Паводле звестак Chainalysis, 58 гаманцоў зарабілі на ім больш за $10 млн кожны, а разам — $1,1 млрд. Уладальнікі яшчэ 764 тысяч кашалькоў страцілі грошы.
Рэлацыраваліся? Цяпер вы можаце каментаваць без верыфікацыі акаўнта.