83% рэлакантаў арандуюць жытло. Дамы купілі многія з тых, хто з'ехаў да 2020. Рэсёрч

Дзе жывуць за мяжой

Большасць рэлакантаў (амаль 83%) жывуць за мяжой на здымных кватэрах. Адныя не маюць фінансавых магчымасцяў купіць уласнае жытло, другія проста не хочуць прывязвацца да горада/раёна, лічачы за лепшае мець больш свабоды для перамяшчэння. Або аддаюць перавагу ў крызіс і перыяд нестабільнасці ў свеце ўстрымацца ад такіх буйных інвестыцый. 

Многія рэлаканты, якія з’ехалі з Беларусі да 2020 года, паспелі за час працы за мяжой назбіраць на свой дом. А вось у куплю кватэр за мяжой найбольш актыўна ўкладваліся мігранты, якія з’ехалі з Беларусі ў 2021–2022 гадах (каля 70%). 

У той жа час айцішнікі, якія з’ехалі летась, амаль не ўкладалі ўгод з нерухомасцю.

У якіх краінах свая нерухомасць

Больш за палову ўласнікаў нерухомасці сярод рэлакантаў жыве ў Польшчы. У топе-3 з вялікім адрывам — Літва і Грузія.

Сярод іншых краін, дзе айцішнікі маюць уласнае жытло, фігуруюць ЗША, Канада, Аўстралія. 

Зарплата мігрантаў са сваімі кватэрамі і дамамі

Айцішнікі, якія маюць нерухомасць за мяжой, не атрымліваюць велізарных заробкаў. Большасць (55%) сцвярджае, што атрымлівае чыстымі ад 2 да 5 тысяч долараў. Уласнікаў нерухомасці за мяжой, якія атрымліваюць больш за 10 тысяч долараў — менш за 10%. 

Што засталося ў Беларусі

Толькі невялікая частка мігрантаў паспела прадаць або падарыць сваю нерухомасць у роднай краіне. У паловы рэлакантаў засталіся кватэры, у некаторых — дамы. Пасля ўсіх заканадаўчых навін прадаць нерухомасць у Беларусі стала праблематычна.