Алеся Чапкевич bel 7 ліпеня 2026, 08:54

З'явіўся спіс беларусаў і беларусак, якія будуюць амбіцыйныя міжнародныя праекты. Можаце дадаць сябе і знаёмых

Адукацыйны праект Школа кампетэнцый і прэмія Belarus Future Leadership Award запусцілі Next 35 — новы штогадовы спіс 35 маладых беларусаў і беларусак, якія будуюць амбіцыйную кар’еру і запускаюць праекты на міжнародным узроўні.

1 каментарый

Адукацыйны праект Школа кампетэнцый і прэмія Belarus Future Leadership Award запусцілі Next 35 — новы штогадовы спіс 35 маладых беларусаў і беларусак, якія будуюць амбіцыйную кар’еру і запускаюць праекты на міжнародным узроўні.

Паводле аўтараў, беларусы і беларускі раскіданы па ўсім свеце, таму сачыць за іх гісторыямі і поспехамі складана. Next 35 будзе фіксаваць іх у момант росту і паказваць супольнасці.

Падкрэсліваецца, што гэта не конкурс і не рэйтынг — тут не выбіраюць пераможцаў, а асвятляюць актыўных і таленавітых прафесіяналаў, якія бяруцца за складаныя задачы і мяняюць свае індустрыі.

Next 35 ахоплівае сем катэгорый:

Rising Stars. Студэнты і маладыя спецыялісты з вялікім патэнцыялам. Спрабуюць, запускаюць і дзейнічаюць, не чакаючы патрэбнага моманту.
Impact. Робяць свет вакол больш зразумелым, справядлівым і экалагічным. Адукацыя, экалогія, грамадства.
Builders. Прадпрымальнікі, якія ператвараюць складаныя ідэі ў працуючы бізнес.
Creators. Фарміруюць парадак дня. Аўтары падкастаў, журналісты, блогеры і стваральнікі кантэнту, вакол якіх збіраюцца супольнасці.
Artists. Музыканты, рэжысёры, мастакі, акцёры і пісьменнікі, якія задаюць кірунак у сваіх галінах.
Innovators. Тэхналагічныя фаундары і вынаходнікі, якія ствараюць прадукты і мяняюць свае індустрыі.
Science & Thinkers. Навукоўцы і даследчыкі, якія рухаюць акадэмічную навуку і ствараюць тэхналогіі, якіх яшчэ няма на рынку.

За дакладнасць спісу адказваюць адвайзеры — профільныя эксперты, якія бачаць сваю індустрыю цалкам. Сярод адвайзераў Next 35 — сузаснавальнік EPAM Леанід Лознер, сузаснавальніца Verv Любоў Пашкоўская, ІТ-прадпрымальнік Сяргей Осіпаў, заснавальнік ІТ-канферэнцыі BelTech Дзмітрый Данільчук, заснавальнік dev.by Арцём Канцавы і іншыя.

Стваральнікі Next 35 шукаюць людзей да 35 гадоў, якія ствараюць складаныя праекты за межамі адной краіны. Можна падаць заяўку самастойна або намінаваць знаёмых, якія, на вашу думку, заслугоўваюць увагі. Форма будзе актыўная да 26 ліпеня. Спіс апублікуюць 6 жніўня.