Экс-СЕО Intel заклікаў маліцца і пасціцца за здароўе кампаніі і супрацоўнікаў

Гелсінгер напісаў у Х, што кожны чацвер чытае малітвы і адмаўляецца ад ежы. Учора ён заклікаў разам з ім памаліцца за Intel і 100 тысяч яе супрацоўнікаў на гэтым тыдні, бо ў кампаніі цяпер вельмі складаныя часы. Таксама экс-кіраўнік Intel адзначыў велізарную ролю, якую яна адыгрывае для паўправадніковай галіны і для ЗША.

Ад моманту анонсу навін аб сыходзе Гелсінгера да мінулай пятніцы каціроўкі чыпмэйкера ўпалі на 13% — як піша Bloomberg, мінулы тыдзень стаў найгоршым для Intel за апошнія тры месяцы. Ад пачатку года акцыі кампаніі абваліліся на 58%, а сам год можа стаць для яе найгоршым мінімум ад 1983-га. Замены Гелсінгеру яна пакуль не знайшла.