У Apple найгоршы старт года за апошнія 16 гадоў

Для «яблычнай» кампаніі 2025-ы пакуль стаў найгоршым годам пачынаючы ад 2008-га. Акрамя гэтага, Apple моцна адстае ад індэкса S&P 500, які за названы перыяд дадаў 3,7% і на мінулым тыдні паставіў новы рэкорд нягледзячы на яе падзенне. У перспектыве праз велічыню Apple стан яе спраў можа несці пагрозу для індэкса.

Цяпер акцыі Apple знаходзяцца побач з 200-дзённым коўзкім сярэднім — гэта важны тэхнічны паказчык, які многія трэйдары выкарыстоўваюць для ацэнкі доўгатэрміновага трэнду. Калі каціроўкі апусцяцца ніжэй за гэты ўзровень, інвестары могуць зняверыцца ў іх росце. На мінулым тыдні Nvidia трэці раз выцесніла Apple з вяршыні спісу самых дарагіх кампаній свету.

Цяпер акцыі Apple таргуюцца прыкладна па $227. Аналітыкі папярэджваюць, што калі курс праб’е 200-дзённы коўзкі сярэдні, наступным пунктам падзення можа стаць $208. Многае будзе залежаць ад фінансавых вынікаў кампаніі за 2024 год, якія яна мае апублікаваць 30 студзеня. Аналітыкі прагназуюць рост даходнасці акцый на $2,35 і $124,2 млрд выручкі.

Раней Reuters паведамляў, што Apple у 2024 годзе страціла лідарства на рынку смартфонаў у Кітаі і зафіксавала максімальнае для сябе гадавое падзенне продажаў смартфонаў у краіне з 2016 года.