Аддзел навін 23 студзеня 2025, 16:55

Айцішных кампаній стала рэзка менш у топе амерыканскіх працадаўцаў Glassdoor

Glassdoor абнавіў штогадовы топ-100 найлепшых буйных працадаўцаў ЗША на думку супрацоўнікаў, якую яны выказваюць на платформе. Калі летась у першай дзясятцы было шэсць кампаній з ІТ-сферы, то сёлета — толькі тры: Nvidia, Microsoft, MathWorks.

Пакінуць каментарый

Glassdoor абнавіў штогадовы топ-100 найлепшых буйных працадаўцаў ЗША на думку супрацоўнікаў, якую яны выказваюць на платформе. Калі летась у першай дзясятцы было шэсць кампаній з ІТ-сферы, то сёлета — толькі тры: Nvidia, Microsoft, MathWorks.

Топ-10 выглядае так:

Bain & Company (кансалтынг)
Crew Carwash (аўтасэрвіс)
In-N-Out Burger (рэстаранны бізнэс)
Nvidia
Eli Lilly and Company (фармацэўтыка)
Microsoft
eXp Realty (нерухомасць)
The Church of Jesus Christ of Latter-day Saints (рэлігія)
RLI (страхаванне)
MathWorks

Microsoft летась займала 18 месца. З 49 месца на 12-е паднялася ASML. Salesforce, якая адсутнічала ў леташнім топе-100, а годам раней займала 75 пазіцыю, цяпер апынулася на 16-й. EPAM узляцеў з 95 радка на 25-ы.

Amazon сёлета, як і летась, у топе няма. Meta адсутнічала ў спісе апошнія пару гадоў, а цяпер заняла 52 месца. Motorola з’явілася ў топе на 20 месцы. Apple упала з 39 месца на 56-е, Google — з 26-га на 28-е, Cisco — з 28-га на 60-е.

Пры гэтым пераважаюць у спісе якраз тэхналагічныя кампаніі — 26 са 100, адзначае Fast Company. Далей ідуць сферы аховы здароўя і фінансаў (па 9 кампаній), за імі — біятэхналогіі і фармацэўтыка (па 8).