Аддзел навін 7 лістапада 2024, 21:26

СЕО OpenAI даў параду, якую давалі Джобс і Бафет

У нядаўнім падкасце Сэм Альтман казаў пра важныя, на яго погляд, аспекты менеджменту. Сказанае ім вельмі сугучнае таму, чаму вучылі Стыў Джобс і Уорэн Бафет.

Пакінуць каментарый

У нядаўнім падкасце Сэм Альтман казаў пра важныя, на яго погляд, аспекты менеджменту. Сказанае ім вельмі сугучнае таму, чаму вучылі Стыў Джобс і Уорэн Бафет.

«Першае, што прыходзіць на розум, гэта дысцыпліна. Фокус, чаму мы скажам „не“, быццам бы кажучы ад імя карыстальніка пра тое, чаму будзем рабіць адное і не будзем другога», — сказаў Альтман. Яго каманда «самым дбайным» чынам пазбягае «нязбытных мар» і мэтаў.

Гэта вельмі нагадвае філасофію Джобса, які рабіў акцэнт на фокус. Ён вучыў засяроджвацца на пяці ключавых прадуктах і пазбаўляцца ад лішніх, бо яны будуць цягнуць вас уніз. Пасля вяртання ў Apple пасля выгнання праўленнем, Джобс звузіў фокус кампаніі да адной мэты на год.

У адным з інтэрв’ю ў 2007 годзе Джобс разважаў пра тое, што адрознівае «разумныя кампаніі» ад астатніх. Калі звычайна кампаніі складаюць спісы з дзесяці мэтаў на год, то разумныя кампаніі ставяць перад сабой толькі тры ці чатыры.

«Вось як я раблю. Бяру ліст паперы і кажу: „Калі б мая кампанія магла зрабіць толькі адную рэч налета, што б гэта было?“ Мы літаральна адкідаем усё астатняе», — казаў Джобс.

Пра гэта ж казаў Альтман у прамове пра стартапы ў Стэнфардзе ў 2014. У прыватнасці, пра тое, што ўменне засяродзіцца на галоўным асабліва важнае для фаўндараў. А гэта значыць адмаўляць усяму другараднаму ў 97 выпадках са 100.

Гэты навык таксама згадваў Уорэн Бафет. «Розніца паміж паспяховымі людзьмі і сапраўды паспяховымі людзьмі ў тым, што другія амаль усяму кажуць „не“», — лічыць знакаміты інвестар.