Філ Чэн — былы даследчык OpenAI ды інжынер-праграміст у Google DeepMind і Scale AI, а цяпер заснавальнік уласнага ШІ-стартапа, падзяліўся інсайтамі для маладых і амбіцыйных спецыялістаў. На яго думку, на фоне імклівага развіцця ШІ ландшафт запатрабаваных навыкаў у бліжэйшыя дзесяць гадоў цалкам зменіцца.
Філ Чэн — былы даследчык OpenAI ды інжынер-праграміст у Google DeepMind і Scale AI, а цяпер заснавальнік уласнага ШІ-стартапа, падзяліўся інсайтамі для маладых і амбіцыйных спецыялістаў. На яго думку, на фоне імклівага развіцця ШІ ландшафт запатрабаваных навыкаў у бліжэйшыя дзесяць гадоў цалкам зменіцца.
Галоўны тэзіс Чэна гучыць так: «ШІ-мадэлі становяцца лепшымі ва ўсім, для чаго можна напісаць функцыю страт». Прасцей кажучы, нейрасеткі ідэальна спраўляюцца з любымі складанымі, але дакладна вызначанымі задачамі, якія маюць зразумелыя крытэрыі ацэнкі і гатовыя адказы. Звычайная школьная і ўніверсітэцкая адукацыя якраз і складаецца з такіх задач. Таму ў бліжэйшае дзесяцігоддзе сапраўды каштоўнай будзе толькі тая праца, якую немагчыма ацаніць або «праверыць» у межах стандартнага навучання ШІ.
Паколькі нейрасеткі возьмуць на сябе вырашэнне прыкладных задач, галоўным чалавечым навыкам стане ўменне правільна выбіраць праблемы для вырашэння і пісьменна размяркоўваць рэсурсы. Найбольш каштоўнымі спецыялістамі будуць тыя, хто здольны ўбачыць маштабную, важную праблему, а затым правільна скіраваць час і рэсурсы (у тым вылічальныя ШІ-токены) на яе вырашэнне.
Чэн раіць пачынаючым прафесіяналам сканцэнтравацца на трох рэсурсах, якія па-ранейшаму застаюцца «сапраўды дэфіцытнымі» ў свеце. Гэта час, чалавечыя адносіны і рэпутацыя. Калі прыцягнуць капітал у ШІ-праекты зараз прасцей, чым калісь раней, то выбудаваць моцныя чалавечыя сувязі і даказаць сваю надзейнасць — усё яшчэ складаная задача.
Канкрэтная парада: трэба выдаваць час на якасную працу над праектамі або стажыроўкамі і рабіць так, каб пра вашы вынікі даведваліся іншыя аўтарытэтныя людзі ў індустрыі. Чэн заклікае бязлітасна расстаўляць прыярытэты і займацца толькі тымі праблемамі, якія вы лічыце сапраўды значнымі і амбіцыйнымі.
Зазіраючы ў будучыню, былы інжынер OpenAI адзначае, што не верыць у поўнае выцісканне людзей звышінтэлектам са сферы разумовай працы. Людзі валодаюць унікальнай здольнасцю выбіраць значныя мэты для ШІ і выдзяляць пад іх капітал. А каб апынуцца ў патрэбным месцы і своечасова ўбачыць гэтыя магчымасці, чалавеку якраз і спатрэбяцца ягоная экспертыза і рэпутацыя.
Релоцировались? Теперь вы можете комментировать без верификации аккаунта.