Кіраўнік OpenAI Сэм Альтман лічыць, што маладыя спецыялісты занадта часта выбіраюць кар’ерныя шляхі, якія былі папулярныя некалькі гадоў таму. Замест гэтага ён раіць скарыстацца магчымасцямі, якія адкрывае ШІ.
Кіраўнік OpenAI Сэм Альтман лічыць, што маладыя спецыялісты занадта часта выбіраюць кар’ерныя шляхі, якія былі папулярныя некалькі гадоў таму. Замест гэтага ён раіць скарыстацца магчымасцямі, якія адкрывае ШІ.
У інтэрв’ю Стэнфардскай школе бізнесу Альтман заявіў, што ШІ зменіць вялікую частку існуючай працы. Шмат задач, якія сёння выконваюць людзі, ШІ зможа рабіць хутчэй, танней і якасней.
Альтман лічыць, што найбольш ад гэтых пераменаў могуць выйграць маладыя спецыялісты, гатовыя эксперыментаваць і ствараць новыя кампаніі, а не следаваць звыклым кар’ерным сцэнарыям.
«Мяне пастаянна расчароўваюць студэнты MBA: яны заўсёды хочуць займацца тым, што было крута пяць гадоў таму, замест таго каб спрабаваць нешта новае. Думаю, цяпер выдатны час для новых ідэй», — заявіў ён.
Кіраўнік OpenAI перакананы, што тэхналогіі ШІ дазволяць ствараць кампаніі, якія яшчэ некалькі гадоў таму было практычна немагчыма пабудаваць. Некаторыя з іх, паводле ягонага прагнозу, могуць стаць значна буйнейшымі і важнейшымі за саму OpenAI.
«Калі вы толькі пачынаеце кар’еру, найлепшы час для гэтага — перыяд найбольшых пераменаў, калі магчымасці адкрыты для ўсіх», — адзначыў Альтман.
Сам Альтман у 2005 годзе кінуў Стэнфард дзеля запуску стартапу Loopt. Пазней ён узначаліў акселератар Y Combinator, а потым OpenAI. Раней ён ужо раіў маладым людзям больш эксперыментаваць і не баяцца нестандартных кар’ерных рашэнняў. У жніўні Альтман заявіў, што чатырохгадовае навучанне ва ўніверсітэце можа быць занадта доўгім.
Падобную пазіцыю падзяляюць іншыя вядомыя прадпрымальнікі. Сузаснавальнік Reddit Алексіс Аганян лічыць, што новыя кампаніі атрымліваюць перавагу, паколькі адразу выбудоўваюць працу вакол ШІ, замест таго каб укараняць яго ў існуючыя працэсы. А мільярдэр Марк К’юбан перакананы, што прадпрымальнікі, якія не выкарыстоўваюць ШІ для паскарэння працы, ужо прайграюць канкурэнтам.
Релоцировались? Теперь вы можете комментировать без верификации аккаунта.