Meta перастала ўлічваць выкарыстанне ШІ пры ацэнцы супрацоўнікаў, але навязвае новага ШІ-агента
Meta вырашыла афіцыйна адмовіцца ад уліку ШІ пры ацэнцы эфектыўнасці супрацоўнікаў, паведамляе Wired. У новых правілах больш няма прывязкі да частаты выкарыстання ШІ або статусаў «AI Native», «AI First» і «AI Enabled». Замест гэтага Meta вярнула фокус на вынік працы: цяпер супрацоўнікі могуць дасягаць гэтых вынікаў «з дапамогай ШІ або іншымі спосабамі». У кампаніі падкрэсліваюць, што і раней ацэньвалі супрацоўнікаў паводле іх укладу, а лэйблы нібыта не выкарыстоўваліся непасрэдна падчас рэв’ю.
Meta вырашыла афіцыйна адмовіцца ад уліку ШІ пры ацэнцы эфектыўнасці супрацоўнікаў, паведамляе Wired. У новых правілах больш няма прывязкі да частаты выкарыстання ШІ або статусаў «AI Native», «AI First» і «AI Enabled». Замест гэтага Meta вярнула фокус на вынік працы: цяпер супрацоўнікі могуць дасягаць гэтых вынікаў «з дапамогай ШІ або іншымі спосабамі». У кампаніі падкрэсліваюць, што і раней ацэньвалі супрацоўнікаў паводле іх укладу, а лэйблы нібыта не выкарыстоўваліся непасрэдна падчас рэв’ю.
Змены павінны зняць ціск, праз які, паводле супрацоўнікаў Meta, у апошнія месяцы ім даводзілася выкарыстоўваць ШІ нават там, дзе ў гэтым не было сэнсу, каб павысіць паказчыкі выдадзеных токенаў. У нейкі момант адзін з супрацоўнікаў нават стварыў унутраны рэйтынг, дзе працаўнікоў ранжыравалі па аб’ёме выкарыстання ШІ і прысвойвалі ім статусы накшталт «Token Legend». Пасля таго як інфармацыя пра рэйтынг стала вядомая шырокай аўдыторыі, яго закрылі ў красавіку. Праз пару месяцаў Meta пачала змагацца з токенмаксінгам і абмяжоўваць аб’ёмы даступнага супрацоўнікам ШІ.
Паралельна кампанія прасоўвае новы эксперыментальны інструмент Hatch — гэта ШІ-агент, здольны самастойна выконваць дзеянні на камп’ютары. Ён можа працаваць у інтэрнэце і ўзаемадзейнічаць з іншымі праграмамі; па магчымасцях Hatch падобны на OpenClaw. Супрацоўнікі Meta тэстуюць яго на карпаратыўных прыладах ужо некалькі тыдняў напярэдадні публічнага запуску. Выкарыстоўваць Hatch кампанія пакуль рэкамендуе, але не патрабуе.
Частка супрацоўнікаў не хоча падключаць Hatch да асабістай пошты, календара ды іншых нерабочых акаўнтаў праз асцярогі за канфідэнцыяльнасць і рызыкі таго, што ШІ можа дапусціць памылку ў важных дзеяннях. Даверу да такіх інструментаў падарваў папярэдні праект Meta, у межах якога кампанія адсочвала на працоўных прыладах націсканні клавіш ды іншую актыўнасць супрацоўнікаў, каб збіраць дадзеныя для навучання ШІ. Той праект пасля прыпынілі.
Адмена прывязкі ацэнкі эфектыўнасці да ШІ можа палепшыць стаўленне супрацоўнікаў да новых інструментаў. Некаторыя ўжо выкарыстоўваюць Hatch для запісу на асабістыя прыёмы і арганізацыі справаў па-за працай і лічаць яго эфектыўным. Хаця супрацоўнікам больш не трэба максімізаваць выкарыстанне ШІ дзеля паказчыкаў, Hatch расходуе больш токенаў, чым звычайныя чат-боты і ранейшыя інструменты для кодынгу. Пры гэтым супрацоўнікі лічаць, што кіраўніцтва па-ранейшаму хоча ўбачыць, наколькі эфектыўна яны ўмеюць карыстацца ШІ.
У часткі працаўнікоў гэта выклікае асцярогі, што рост прадукцыйнасці дзякуючы Hatch надалей можа прывесці да новых скарачэнняў. У траўні Meta скараціла каля 8 тысяч супрацоўнікаў. На мінулым тыдні Reuters паведаміў, што кампанія рыхтавала новы маштабны раўнд звальненняў, але адмовілася ад гэтых планаў на фоне росту колькасці праграмных памылак, звязаных з залежнасцю ад ШІ, і больш павольнага, чым чакалася, развіцця ШІ-агентаў. Марк Цукерберг заявіў, што новых масавых скарачэнняў сёлета не чакаецца.
Релоцировались? Теперь вы можете комментировать без верификации аккаунта.