CEO OpenAI: цяпер — найлепшы час для ІТ-фаўндараў

Альтман параўнаў бум АІ з іншымі пераломнымі момантамі ў тэхналагічнай сферы, напрыклад, са з’яўленнем смартфонаў, інтэрнэту і з паўправадніковай рэвалюцыяй.

«З кожнай наступнай буйной тэхналагічнай рэвалюцыяй мы маглі рабіць больш, чым раней», — адзначыў кіраўнік OpenAI. У той жа час яго кампаніі вельмі дапамагла падняцца наяўнасць дастатковай колькасці грошай — у тым ліку ад яго іншых праектаў.

Альтман дадаў, што нягледзячы на рознагалоссі з Іланам Маскам ён «вельмі ўдзячны» яму за фінансавую дапамогу OpenAI на ранніх яе стадыях. Цяпер Маск пастаянна крытыкуе кампанію, абвінавачвае ў здрадзе сваёй першапачатковай місіі і ў тым, што яго падманам зрабілі сузаснавальнікам. Таксама Маск выставіў OpenAI некалькі судовых пазоваў, а тая ў адказ абвінаваціла яго ў тым, што ён чапляецца да яе, каб зрабіць лепш канкурэнту — xAI, якога сам заснаваў.

Што тычыцца фаўндараў, то для іх самы зручны час дзейнічаць, бо АІ развіваецца «нашмат хутчэй, чым цяпер здаецца людзям», і тэхналогію моцна недаацэньваюць. «Рабіце стаўку на гэты тэхналагічны трэнд. Мы яшчэ вельмі далёкія да пункта насычэння рынку», — сказаў Альтман. Але папярэдзіў, што хоць АІ можа забяспечваць «кароткатэрміновыя перыяды выбуховага росту», гэта не гарантуе стартапам аўтаматычнага поспеху: «Вам усё роўна трэба будаваць штосьці з доўгатэрміновай каштоўнасцю». Таксама ён прадказаў, што ў будучыні кампаніі будуць зарабляць мільярды долараў, маючы ў штаце не больш за сто супрацоўнікаў.

«Цяпер выдатны час для фаўндараў стартапаў. Адзін чалавек плюс 10 тысяч GPU. Проса выдатна», — сказаў на заканчэнне прадпрымальнік.