Некалькі сотняў грузінскіх айцішнікаў выйшлі на пратэсты
Некалькі сотняў спецыялістаў ІТ-сферы абвясцілі двухдзённы страйк у чацвер 12 снежня ў Грузіі. Яны сабраліся на плошчы Рэспублікі ў цэнтры сталіцы і накіраваліся ў бок парламента, піша Telegram-канал «Тбілісі для людзей і пра людзей» са спасылкай на выданне TV Pirveli.
Удзельнікі акцыі выйшлі на вуліцу з лозунгамі «Выяўленая памылка», «Урад не працуе», «Патрэбны пратэст».
26 кастрычніка ў Грузіі прайшлі спрэчныя парламенцкія выбары, на якіх перамагла кіроўная партыя «Грузінская мара». Апазіцыя, як і Еўрапарламент, не прызнае вынікаў і патрабуе міжнароднага расследавання парушэнняў, якія мелі месца.
28 лістапада ўлады абвясцілі пра рашэнне адкласці перамовы аб уступленні Грузіі ў ЕС да 2028 года, што справакавала хвалю пратэстаў па ўсёй краіне, якія працягваюцца дагэтуль. У Тбілісі для разгону дэманстрантаў ужываліся вадамёты і слёзацечны газ, ёсць затрыманыя і шпіталізаваныя праз дзеянні сілавікоў.
Айцішнікі патрабуюць правесці новыя выбары, вызваліць усіх затрыманых, працягнуць курс на еўраінтэграцыю. Таксама яны заклікаюць усе кампаніі, якія абслугоўваюць дзяржсектар, спыніць аказваць свае паслугі і падтрымаць грузінскі народ.
Читать на dev.by