Жыхар Кітая па прозвішчы Чжан запрацаваўся дапазна і наступнага дня ад стомы вырашыў усяго адну гадзіну падрамаць на працоўным месцы — за што гэтым месцам і паплаціўся. Аднак улады ўсталі на яго бок, піша South China Morning Post. Гісторыя атрымала шырокую агалоску ў сеціве.
Жыхар Кітая па прозвішчы Чжан запрацаваўся дапазна і наступнага дня ад стомы вырашыў усяго адну гадзіну падрамаць на працоўным месцы — за што гэтым месцам і паплаціўся. Аднак улады ўсталі на яго бок, піша South China Morning Post. Гісторыя атрымала шырокую агалоску ў сеціве.
Мужчына працаваў менеджарам аддзела ў адной хімічнай кампаніі ў правінцыі Цзянсу на паўднёвым усходзе краіны. Ён аддаў гэтай кампаніі два дзясяткі гадоў жыцця.
Аднойчы яму давялося працаваць да паўночы. Наступнага дня камеры відэаназірання зафіксавалі, як ён спіць проста ў сябе за сталом. А праз два тыдні пасля гэтага яго звольнілі. Эйчары склалі дакумент, у якім гаварылася, што Чжан «спаў на працы ад знямогі». Супрацоўнік гэты дакумент падпісаў. Кампанія нават пракансультавалася з прафсаюзам і выдала яму афіцыйнае апавяшчэнне аб звальненні за грубае парушэнне ўстаноўленай у кампаніі працоўнай дысцыпліны.
Чжан палічыў, што з ім паступілі несправядліва, і падаў у суд. Суд адзначыў, што кампаніі маюць права звальняць за такія парушэнні, але яны павінны адпавядаць пэўным умовам, напрыклад, быць звязанымі з вялікімі стратамі. Суд дадаў, што злачынства Чжана адбылося ўпершыню ад 2004 года, калі ён уладкаваўся ў кампанію, і не нанесла сур’ёзнай шкоды. Акрамя таго, ён вылучаўся выбітнай прадукцыйнасцю, меў даплаты і павышэнні. Таму выгнаць яго за адзін-адзінюткі інцыдэнт было празмерным і неапраўданым.
Суд пастанавіў, што кампанія павінна выплаціць яму кампенсацыю ў памеры 350 тысяч юаняў ($48 тысяч).
Рэлацыраваліся? Цяпер вы можаце каментаваць без верыфікацыі акаўнта.