Беларусь прыпаднялася ў сусветным рэйтынгу самых «моцных» пашпартоў. Але ёсць нюанс
Міжнародная кансалтынгавая фірма Henley & Partners абнавіла рэйтынг пашпартоў свету па колькасці напрамкаў, у якія іх уладальнікі маюць бязвізавы доступ (або доступ з візай па прыбыцці). Індэкс грунтуецца на звестках Міжнароднай асацыяцыі паветранага транспарту і ўключае 199 пашпартоў.
Беларусь размясцілася ў спісе на 62 пазіцыі, якую дзеліць з Намібіяй. Наш пашпарт дае сваім уладальнікам магчымасць для бязвізавых падарожжаў у 81 краіну свету. Год таму беларускі пашпарт займаў 64 месца.
Але паколькі пашпарты розных краін могуць валодаць аднолькавай сілай, адную і тую ж пазіцыю ў рэйтынгу могуць падзяляць некалькі пашпартоў, таму насамрэч наперадзе Беларусі знаходзяцца 113 краін свету. Сярод іх — Польшча (7 месца), Літва і Латвія (10 месца), Грузія і Малдова (44), Расія (46). Першае месца займае Сінгапур.
Прыкладна там жа Беларусь размяшчаецца ў аналагічным свежым рэйтынгу Passport Index. У ім наш пашпарт займае 112 месца ў індывідуальным заліку паміж Тайландам і Косавам і 53 месца — у агульнасусветным.
Читать на dev.by