Даляр апусціўся ніжэй за 3 рублі ўпершыню амаль за 2 гады

Па выніках таргоў даляр каштуе 2,9968 рубля. У апошні раз такі курс фіксаваўся ў чэрвені 2023 года.

На 13:25 чацвярга банкі купляюць даляр у сярэднім па 2,97 рубля. Найвышэйшы курс — 2,985 рубля — у Банка «Рашэнне» і БНБ-Банка.

У абменніках купіць даляр можна ў сярэднім за 2,99 рубли. Такі курс усталявала большасць беларускіх банкаў. Найвышэйшы курс — 3,01 рубля — у Белаграпрамбанка, Белінвестбанка, Прыёрбанка і ТК Банка.

Еўра на таргах патаннеў да 3,3811 рубля, расійскі рубель наадварот вырас да 3,7777 беларускага рубля за 100 расійскіх. Пры гэтым у Расіі паазабіржавы курс даляра апусціўся ніжэй за 78 мясцовых рублёў упершыню з мая 2023 года.