Аддзел навін 23 кастрычніка 2024, 02:48

Польскі EPAM упершыню абышоў па выручцы ўкраінскае падраздзяленне

Упершыню ў гісторыі гадавы аб’ём выручкі польскага падраздзялення EPAM Systems перасягнуў продажы паслуг яе ўкраінскім бізнэсам. На гэта звярнуў увагу партал «Беларусы і рынак».

Паглядзіце беларускую версію

1 каментарый

Польскі EPAM упершыню абышоў па выручцы ўкраінскае падраздзяленне

Упершыню ў гісторыі гадавы аб’ём выручкі польскага падраздзялення EPAM Systems перасягнуў продажы паслуг яе ўкраінскім бізнэсам. На гэта звярнуў увагу партал «Беларусы і рынак».

Паглядзіце беларускую версію

Польшча па выніках мінулага года ператварылася ў галоўны еўрапейскі цэнтр распрацоўкі для EPAM Systems. Паводле справаздач яе даччыных кампаній, Epam Systems (Poland) рэалізавала ў 2023 годзе паслуг на суму €423,7 млн. Гэта амаль на €100 млн больш год да года.

Украінскія цэнтры распрацоўкі «ЕПАМ Сістэмз», якія пасля сыходу кампаніі з Расіі і фактычнага замарожвання дзейнасці ў Беларусі на час выйшлі на першае месца па аб’ёме продажаў паслуг у рэгіёне, атрымалі даход у €316,7 млн. Гэта больш як на €250 млн менш, чым годам раней.

Рост продажаў паслуг таксама дэманструе буйны рэгіянальны цэнтр, які ў 2020–2022 гадах EPAM Systems сфармавала ў Літве. Аб’ём продажаў EPAM sistemos вырас з €71,8 млн у 2022 годзе да €99,8 млн у мінулым.

Зрэшты, па прыбытковасці бізнэс EPAM Systems ва Украіне пакуль апярэджвае польскі. Па выніках 2023 года прыбытак украінскай «дачкі» склаў €32,9 млн, а ў Польшчы — €19,8 млн. У абедзвюх краінах ён скараціўся ў параўнанні з папярэднім годам, прычым ва Украіне — у 3 разы, а ў Польшчы — у 1,5 разу. Таксама знізілася эфектыўнасць падраздзялення EPAM Systems у Літве — яно таксама асела ў прыбытку ў параўнанні з 2022 годам.