Амерыканскія кампаніі імкліва пазбаўляюцца ад праслойкі менеджараў і не запаўняюць прабелаў

Аналітыкі Revelio Labs сёлета ўзялі звесткі са сваёй базы вакансій, сабраных з інтэрнэту, і расклалі іх па чатырох групах супрацоўнікаў: старшы і сярэдні менеджмент, а таксама вопытныя і маладыя шараговыя супрацоўнікі. Іх параўналі з лічбамі за 2022 год. Выявілася, што колькасць вакансій для супрацоўнікаў з малым вопытам або без яго ўпала на 14%, а для сярэдніх і старшых менеджараў — на 43% і 57% адпаведна. Пазней колькасць вакансій значна павялічылася па ўсіх групах работнікаў, акрамя менеджараў сярэдняга звяна — станам на кастрычнік аб’яў для іх было на 42% менш, чым у красавіку 2022 года.

Падобная сітуацыя назіралася з менеджэрамі сярэдняга звяна ў 1980-я, калі глабалізацыя дала штуршок новай філасофіі кіравання, якая ставіць у прыярытэт скарачэнне выдаткаў. Паводле аднаго даследавання, за перыяд ад 1986 года да 1998-га колькасць прамежкавых менеджараў, падсправаздачных кіраўнікам падраздзяленняў, зменшылася на 25%, а менеджараў, якія даюць справаздачу непасрэдна гендырэктарам, вырасла амаль удвая.

Ці робіць такая практыка кампаніі эфектыўнейшымі, дакладна не вядома. Паводле некаторых даследаваннях, прадукты сапраўды атрымліваецца рэлізіць хутчэй. Але ёсць і іншыя даследаванні, згодна з якімі, калі менеджары правільна робяць сваю працу, то прадукцыйнасць кампаній наадварот павышаецца, адзначае BI. Напрыклад, калі яны выступаюць у ролі ментараў, матывуюць, удзельнічаюць у абмене важнай інфармацыяй паміж падраздзяленнямі кампаніі, займаюцца пошукам магчымасцяў і згладжваюць вострыя вуглы.

Між тым, паводле даных Live Data Technologies, у 2023 годзе менеджары сярэдняга звяна склалі 32% усіх звольненых супрацоўнікаў. У 2019-м на іх прыпадала 20%. І, мяркуючы з даных Revelio Labs, запаўняць вызваленыя месцы кампаніі не збіраюцца.