«Джэймс Уэб» даслаў здымак касмічнага «пясочнага гадзінніка»

Зорка размяшчаецца на адлегласці каля 460 тысяч светлавых гадоў ад Зямлі. Касмічны аб’ект знаходзіцца ў цэнтры апублікаванага здымка за шчыльным воблакам з пылу і газу. Зверху і знізу ад яго зыходзяць выкіды, падобныя сваёй формай да пясочнага гадзінніка, відочнага толькі ў інфрачырвоным святле.

У аранжавых і чырвоных абласцях выкідаў знаходзіцца найшчыльнейшая скупнасць пылу, у сініх — найменшая. Навукоўцы паведамляюць, што даныя з «Джэймса Уэба» дапамогуць ім лепш вывучыць працэсы, якія адбываюцца падчас фармавання пратазорак. Гэта маладыя зоркі на раннім этапе сваёй эвалюцыі, які можа доўжыцца ад 100 тысяч да больш як 10 мільёнаў гадоў.