Аддзел навін 8 студзеня 2025, 14:58

Sony і Honda паказалі сумесны электракар, адкрылі перадзаказ

Sony і Honda паказалі сумесны электрамабіль пад брэндам Afeela на міжнароднай тэхналагічнай выставе CES. На яго стварэнне сышло пяць гадоў — першы канцэпт быў паказаны ў 2020 годзе.

2 каментарыя

Sony і Honda паказалі сумесны электрамабіль пад брэндам Afeela на міжнароднай тэхналагічнай выставе CES. На яго стварэнне сышло пяць гадоў — першы канцэпт быў паказаны ў 2020 годзе.

Электракар Tesla 1 сумеснага прадпрыемства Sony Honda Mobility выйдзе ў дзвюх мадыфікацыях: Origin за $89,9 тысячы і Signature за $102,9 тысячы. У цану ўключаная трохгадовая падпіска на шэраг функцый, напрыклад, на персанальнага АІ-асістэнта і аўтапілот 2+ узроўню.

Перадзаказ ужо адкрыты, але толькі ў Каліфорніі. Заклад складае $200. Ці будуць аўто даступныя ў іншых штатах і лакацыях і калі, невядома. Паказаная версія прататыпа падаецца як практычна фінальная.

Электракар з поўным прывадам абсталяваны дысплэем ва ўсю шырыню прыборнай панэлі, 40 датчыкамі і камерамі для функцый аўтаномнага кіравання, таксама ёсць намёк на інтэграцыю дапоўненай рэальнасці ў дапамогу кіроўцу.