Аддзел навін 3 снежня 2024, 11:51

Nvidia ды іншыя інвестары Крэмніевай даліны ўклаліся ў кампанію заснавальніка «Яндэкса»

Кампанія Nebius Аркадзя Волажа, створаная на аснове некалькіх праектаў «Яндэкса», прыцягнула $700 млн для пашырэння сваёй прысутнасці ў ЗША, піша The Bell.

Пакінуць каментарый

Nvidia ды іншыя інвестары Крэмніевай даліны ўклаліся ў кампанію заснавальніка «Яндэкса»

Кампанія Nebius Аркадзя Волажа, створаная на аснове некалькіх праектаў «Яндэкса», прыцягнула $700 млн для пашырэння сваёй прысутнасці ў ЗША, піша The Bell.

Паводле слоў Волажа, фінансаванне паступіла ад «дзясяткаў вядомых інвестараў», уключаючы вытворцу чыпаў Nvidia, венчурную кампанію Accel і кіраўніка актывамі Orbis. Імёны ўсіх інвестараў стануць вядомыя пасля таго, як Nebius падасць дакументы ў Камісію па каштоўных паперах і біржах ЗША.

У гэтым кастрычніку Nebius (Былая Yandex N. V.) вярнулася на біржу Nasdaq пасля амаль трохгадовага перапынку праз санкцыі. Пасля продажу расійскіх актываў у распараджэнні кампаніі засталося каля $2,2 млрд. Частка сродкаў была зарэзерваваная для выкупу акцый, аднак ад моманту аднаўлення таргоў акцыі Nebius стабільна таргаваліся даражэй за цану выкупу і прапанова выявілася «неактуальнай».

У цэлым на рахунках Nebius цяпер каля $3 млрд для рэалізацыі планаў і будаўніцтва інфраструктуры. Кампанія палепшыла свае фінансавыя прагнозы і разлічвае да канца 2025 года дасягнуць гадавога даходу ў памеры ад $750 млн да $1 млрд. Nebius плануе даваць АІ-стартапам вылічальныя магутнасці, якія «не залежаць ад буйных карпарацый у Кітаі або ЗША».

Акрамя Nebius AI у групу ўваходзіць распрацоўшчык тэхналогіі беспілотнага кіравання Avride, сэрвіс для трэніроўкі нейрасетак Toloka AI і адукацыйная платформа для падрыхтоўкі АІ-спецыялістаў у ЗША TripleTen.