Супрацоўнікі Amazon выкарыстоўваюць унутраны інструмент ШІ для выканання зусім бессэнсоўных задач, толькі каб штучна павялічыць паказчыкі выкарыстання нейрасетак, за якімі сочыць кіраўніцтва, пішуць Financial Times.
Супрацоўнікі Amazon выкарыстоўваюць унутраны інструмент ШІ для выканання зусім бессэнсоўных задач, толькі каб штучна павялічыць паказчыкі выкарыстання нейрасетак, за якімі сочыць кіраўніцтва, пішуць Financial Times.
Нядаўна Amazon маштабна запусціла прадукт пад назвай MeshClaw — сервіс для стварэння агентаў ШІ, якія падключаюцца да працоўнага софту і выконваюць задачы замест чалавека: адказваюць у Slack, сартыруюць пошту або дэплояць код. Але замест рэальнай аўтаматызацыі частка інжынераў пачала генерыраваць паказную актыўнасць. Унутры кампаніі пастаўлена задача: больш за 80% распрацоўшчыкаў павінны выкарыстоўваць ШІ штотыдзень, а спажыванне токенаў цяпер адсочваецца на спецыяльных лідарабордах.
Супрацоўнікі прызнаюцца, што ціск з боку менеджараў стаў вельмі моцным. Хаця Amazon афіцыйна сцвярджае, што статыстыка па токенах не ўплывае на ацэнку прадукцыйнасці, на практыцы менеджары пільна сочаць за лічбамі. Гэтая з’ява ў Кремніевай даліне ўжо празвалі «токенмаксінг». Калі выкарыстанне тэхналогій ператвараецца ў спаборніцтва, людзі аўтаматызуюць нават тое, што ў аўтаматызацыі не патрабуецца, толькі каб узняцца ў рэйтынгу і даказаць сваю прыхільнасць курсу кампаніі. Падобная сітуацыя дарэчы назіраецца і ў Meta.
Для Amazon гэта вялікія грошы: у гэтым годзе на капітальныя выдаткі плануецца патраціць каля $200 млрд, значная частка якіх — на ШІ і інфраструктуру дата-цэнтраў. Кіраўніцтва мусіць дэманстраваць аддачу ад інвестыцый і даказваць, што нейрасеткі глыбока ўкаранёныя ў паўсядзённую працу.
У самых інжынераў MeshClaw выклікае не толькі іронію, але і трывогу. Інструмент пазіцыянуецца як суперпамочнік, які «дбае пра начны фідбэк і фіксуе вывучанае» і сочыць за дэплоем, пакуль карыстальнік спіць. Аднак многія распрацоўшчыкі баяцца даваць агенту паўнамоцтвы дзейнічаць ад іхнага імя. Беспека сістэмы з такімі шырокімі доступамі па змоўчанні палохае прафесіяналаў: ніхто не хоча, каб ШІ-агент выпадкова сарваў прадакшн або адправіў калегам лішняе, пакуль інжынер адпачывае.
Рэлацыраваліся? Цяпер вы можаце каментаваць без верыфікацыі акаўнта.