Партал myfin.by пагутарыў з экспертамі сэрвісу rabota.by наконт сітуацыі на беларускім рынку працы ў 2 квартале 2025 года. Па іх словах, 2024-ы быў рынкам саіскальнікаў, але цяпер усё наадварот і знайсці працу стала складаней.
Партал myfin.by пагутарыў з экспертамі сэрвісу rabota.by наконт сітуацыі на беларускім рынку працы ў 2 квартале 2025 года. Па іх словах, 2024-ы быў рынкам саіскальнікаў, але цяпер усё наадварот і знайсці працу стала складаней.
У 2024-м назіраўся моцны рост прапаноў працы, на піку рост вакансій дасягаў 30% да пачатку года. У чэрвені 2025-га ў параўнанні з пачаткам 2024-га прырост вакансій складае 14,3%. Гэта значыць рост захаваўся, а яго тэмпы запаволіліся. Саіскальнікі таксама сталі больш актыўнымі — у чэрвені колькасць рэзюмэ вырасла на 35,8% у параўнанні з пачаткам 2024 года.
Важным паказчыкам з’яўляецца колькасць рэзюмэ на адну вакансію. Сітуацыя на рынку працы лічыцца здаровай, калі на 1 вакансію прыходзіцца 6-8 рэзюмэ. У чэрвені 2024-га ён складаў 5,5 рэзюмэ, у чэрвені 2025-га — 7,5, а ў ліпені — ужо больш за 8. Нягледзячы на гэта ў некаторых сферах, напрыклад у рознічным гандлі, вытворчасці і сэрвісным абслугоўванні і ў сектары HoReCa, работнікаў не хапае. ІТ разам з адміністрацыйным персаналам, а таксама маркетынгам і рэкламай, ідзе ў ліку сфер, дзе наймальнікам зараз лёгка знайсці новых супрацоўнікаў.
Што датычыцца заробкаў, то ў 2024 годзе медыяна вырасла на 23% у параўнанні з 2023-м (гаворка пра 2 квартал). У 2025-м у параўнанні з 2024-м рост працягнуўся, але запаволіўся і склаў 18%. Таксама наймальнікі задумаліся, ці варта ім утрымліваць супрацоўнікаў і якая іх эфектыўнасць, таму што паляпшэнне ўмоў працы, бонусы і іншыя меры — гэта выдаткі.
Таксама на беларускім рынку працы з’явіўся новы трэнд: джоб-хопінг (job hopping), гэта значыць перапрыгванне з адной працы на іншую. Беларусы перасталі баяцца часта мяняць працу і лічаць, што ў любым выпадку штосьці знойдуць. А наймальнікі сталі спакайней ставіцца да кандыдатаў, якія часта мяняюць працу.
Яшчэ адзін трэнд — падпрацоўка. На яе гатовыя 55% саіскальнікаў, апытаных rabota.by. Звычайна працадаўцы шукаюць чалавека на поўную стаўку, але калі падабраць нікога прыдатнага не атрымліваецца, яны не супраць раздрабіць вакансію на 2-3 часткі, каб пашырыць варонку саіскальнікаў.
Адзначаецца, што на рынак працы актыўна выходзяць зумеры. У іх іншыя звычкі пошуку працы і пабудовы кар’еры, яны не церпяць дыскамфорт у працы і нязручны графік, ім важны імідж працадаўцы, гнуткасць і зваротная сувязь. Гэта пакаленне людзей, якія не будуць ахвяраваць сабой дзеля кар’еры. Некаторыя працадаўцы адзначаюць, што не любілі працаваць з зумерамі, але потым знайшлі да іх падыход, і цяпер усё добра.
Калі нядаўна работнікі ІТ-сферы стабільна займалі 2-3 месца ў топе самых запатрабаваных спецыялістаў, то зараз гэта 9-10 месца. З іншага боку, за апошнія 12 месяцаў менавіта гэтая сфера найбольш дынамічна расла: вакансій робіцца больш. У гэтым годзе іх колькасць вырасла на 15,4%, у мінулым — на 30%. Тэмп росту ніжэй, чым у сярэднім па рынку, але ў 2023 і 2024 гадах былі высокія тэмпы росту колькасці саіскальнікаў.
У гэтай сферы высокая канкурэнцыя: 15,2 чалавека на 1 вакансію. З тых ІТ-спецыялістаў, хто размяшчае рэзюмэ, мінімум палова адгукаецца на вакансіі.
Як і раней, заробкі ў ІТ больш высокія, чым у сярэднім па рынку. Але растуць яны павольней рынку. У мінулым годзе заробкі выраслі на 20%, у гэтым — на 7%.
Таксама адзначаецца, што кампаніі сталі актыўна ўкараняць ШІ ў працу ў многіх сферах. Але ў цэнтры ўвагі ўсё роўна застаецца чалавек.
Рэлацыраваліся? Цяпер вы можаце каментаваць без верыфікацыі акаўнта.