Дыпфэйк ці не: карыстальнікі не могуць выбраць, хто з Элізабет Ольсен і Скарлет Ёхансан рэальная

Тэйлар апублікаваў кароткі ролік з акторкамі Элізабет Ольсен і Скарлет Ёхансан і прапанаваў вызначыць, якая з іх рэальная, а якая — дыпфэйк. На відэа акторкі размаўляюць падчас інтэрв’ю. Абедзве аднолькава рухаюцца і выкарыстоўваюць аднолькавую міміку, а таксама прамаўляюць адныя і тыя ж словы.

Многіх карыстальнікаў пытанне прывяло ў тупік. «Гэта палохае. У такой тэхналогіі больш мінусаў, чым плюсаў», — напісаў адзін каментатар. Аднак у роліку можна заўважыць найдрабнейшыя несастыкоўкі. Карыстальнікі адзначылі, што ў Ёхансан у адзін момант з’яўляюцца падвойныя бровы, а грыўка ў некалькіх месцах здаецца ненатуральнай. Таксама ў выявы няма ценяў на твары, калі яна рухае рукой.

На дапамогу прыйшлі фанаты Ёхансан, якім нават не трэба было ўглядацца ў дэталі. «Людзі кажуць, што пазналі дыпфэйк у Скарлет праз бровы, а я проста… Яе валасы ніколі не выглядалі так у жыцці, яна не рухаецца так падчас інтэрв’ю. Даволі проста зразумець, хто з іх падробка. Я нават не заўважыла нічога дзіўнага ў бровах», — напісала адная з іх.

Аднак знайшліся і тыя, хто лічыць, што дыпфэйк — гэта выява Ольсен. «Гатовы паспрачацца, што фэйк — гэта Ольсен. Адбіткі на твары занадта яскравыя», — напісаў іншы каментатар.