EPAM абвясціла выкуп акцый, рынку спадабалася

EPAM зможа выкупляць уласныя звычайныя акцыі на адкрытым рынку, у рамках прыватных здзелак і іншымі спосабамі. Праграма разлічана на 24 месяцы. Кампанія пакідае за сабой права прыпыніць або спыніць выкуп у любы момант і не абавязана набываць нейкі пэўны аб’ём акцый.

Фінансавы дырэктар Джэйсан Пітэрсан адзначыў, што ў EPAM упэўненыя ва ўстойлівасці бізнесу, якая пацвярджаецца трыма кварталамі росту выручкі запар. «Дзякуючы эфектыўнай генерацыі свабоднага грашовага патоку і моцнаму балансу мы можам выкарыстоўваць рынкавую кан’юнктуру і вяртаць капітал акцыянерам, адначасова інвестуючы ў развіццё бізнесу і ШІ», — адзначыў ён.

На навінах катыроўкі кампаніі выраслі на 4% амаль да $151 на прэмаркеце ў аўторак. А на момант выхаду гэтай публікацыі гандлююцца па $155. Апошні раз EPAM запускала аналагічную праграму ў лютым 2023 года, тады меркаваны аб’ём выкупу быў удвая меншы.