Epic Games абвінаваціла Apple у сабатажы рашэння суда: вялізныя камісіі ў App Store засталіся

Раней Вярхоўны суд ЗША пакінуў у сіле вынесеныя раней рашэнні па разглядзе паміж кампаніямі. На думку суда, Apple не з’яўляецца манапалістам на рынку праграм, аднак абавязаная дазволіць распрацоўшчыкам дадаваць спасылку на альтэрнатыўныя спосабы аплаты, у абыход App Store.

Apple пагадзілася дазволіць спасылкі, аднак мае намер усё роўна спаганяць з такіх плацяжоў камісію ў памеры 27% (12% для дробных распрацоўшчыкаў). Epic Games абвінаваціла кампанію ў нядобрасумленнасці і фактычным сабатажы патрабавання суда. Генеральны дырэктар студыі лічыць, што пазіцыя Apple супярэчыць самой сутнасці рашэння.

Суіні завіў, што паводзіны Apple «антыканкурэнтныя», бо распрацоўшчыкі не могуць прапаноўваць лічбавыя тавары па ніжэйшай цане пасля выплаты дзвюх камісій: Apple і іншай платформе. Рашэнне Вярхоўнага суда не можа быць абскарджана, таму цяпер Epic рыхтуе новы пазоў пра невыкананне кампаніяй Apple пастановы суда.

Раней СМІ пісалі, што Міністэрства юстыцыі ЗША рыхтуецца да падачы пазову супраць кампаніі праз яе палітыку ў дачыненні да іншых крамаў праграм і выкарыстанне чужых плацежных сістэм. Змены ў App Store, прынятыя кампаніяй у ЕС, таксама не задавальняюць Еўракамісію, якая мае намер праверыць іх на адпаведнасць антыманапольнаму заканадаўству.