ЕС можа прызначыць Google новы штраф за антыканкурэнтныя паводзіны

Паводле слоў крыніц Reuters, новы пазоў можа быць выстаўлены 14 чэрвеня і будзе самым значным за бягучы пяцігадовы тэрмін паўнамоцтваў Еўракамісіі. Раней Google ужо была аштрафаваная тры разы на агульную суму больш за 8 мільярдаў еўра. Максімальны штраф за парушэнне антыманапольнага заканадаўства ЕС складае 10% ад аб’ёму глабальных продажаў кампаніі, аднак фактычна такое пакаранне ўжываецца рэдка.

Упершыню ЕС пачала расследаванне супраць кампаніі ў 2021 годзе. У ходзе расследавання Еўракамісія вывучала, як Google можа перашкаджаць канкурэнтам у доступе да карыстальніцкіх даных для анлайн-рэкламы. Акрамя таго, разглядалася магчымасць змовы Google з Meta, аднак гэтае расследаванне было спыненае ў 2022 годзе. Пасля таго як антыманапольны орган Партугаліі паказаў новыя факты, асноўнае расследаванне было пашыранае.