Савет ЕС і Еўрапарламент дасягнулі папярэдняга пагаднення аб паступовым запуску аўтаматызаванай пагранічнай сістэмы ўезду і выезду (Entry/Exit System, EES) у Еўрасаюз, якая заменіць штампы ў пашпарце. Інфармацыя пра гэта з’явілася ўчора на сайце Савета ЕС.
Савет ЕС і Еўрапарламент дасягнулі папярэдняга пагаднення аб паступовым запуску аўтаматызаванай пагранічнай сістэмы ўезду і выезду (Entry/Exit System, EES) у Еўрасаюз, якая заменіць штампы ў пашпарце. Інфармацыя пра гэта з’явілася ўчора на сайце Савета ЕС.
Краінам прапануецца выдзеліць шэсць месяцаў на паступовае ўвядзенне EES. Да канца гэтага пераходнага перыяду штампы ў праязныя дакументы будуць працягваць ставіць уручную. У выніку EES цалкам заменіць пашпартныя штампы.
Дату пачатку запуску лічбавай сістэмы павінна вызначыць Еўракамісія. Аднак дасягнутае 19 мая пагадненне пакуль папярэдняе і павінна атрымаць адабрэнне самога Савета ЕС і Еўрапарламента.
Рашэнне аб увядзенні сістэмы EES было прынята яшчэ ў 2017 годзе, але яе запуск некалькі разоў адкладаўся. Апошні раз гэта адбылося напрыканцы 2024 года, паколькі Германія, Францыя і Нідэрланды аказаліся не гатовыя да яе ўкаранення. Тады Еўракамісія запатрабавала распрацаваць новы рэгламент не аднамомантнага, а паступовага запуску сістэмы.
Сістэма EES дазволіць аўтаматычна рэгістраваць даныя тых, хто ўязджае ў Шэнгенскую зону і выязджае з яе, у тым ліку біяметрыю — адбіткі пальцаў і здымак твару. Улады краін ЕС будуць мець пастаянны доступ да персанальных даных грамадзян трэціх краін і гісторыі іх паездак, а таксама змогуць кантраляваць, ці выконваюць яны дазволены перыяд знаходжання.
Новая сістэма выклікала пэўныя занепакоенасці, у тым ліку ў уладаў Вялікабрытаніі: ёсць страх, што чэргі на мяжы Шэнгену могуць павялічыцца. У праекце новага рэгламенту гаворыцца, што краіны змогуць часова адключаць сістэму, калі з-за інтэнсіўнасці патоку людзей час чакання стане занадта працяглым.
Релоцировались? Теперь вы можете комментировать без верификации аккаунта.
потребует ли это наличия биометрического паспорта?