Кіраўнік эстонскага МУС Ігар Таро ініцыюе тэрміновыя змены ў закон, паводле якіх грамадзянам Беларусі і Расіі без доўгатэрміновага віду на жыхарства забароняць купляць нерухомасць у балтыйскай краіне. Абмежаванні таксама закрануць кампаніі, рэальнымі ўладальнікамі якіх з’яўляюцца такія грамадзяне, піша Delfi.
Кіраўнік эстонскага МУС Ігар Таро ініцыюе тэрміновыя змены ў закон, паводле якіх грамадзянам Беларусі і Расіі без доўгатэрміновага віду на жыхарства забароняць купляць нерухомасць у балтыйскай краіне. Абмежаванні таксама закрануць кампаніі, рэальнымі ўладальнікамі якіх з’яўляюцца такія грамадзяне, піша Delfi.
Таро назваў куплю нерухомасці людзьмі з няясным мінулым, якія апынуліся ў Эстоніі нядаўна ці часова, пагрозай бяспецы.
«Мы ўжо амаль поўнасцю забаранілі ім уезд і знаходжанне ў Эстоніі, і лагічна, што ў іх не павінна быць і права купляць тут нерухомасць. Яе можна выкарыстоўваць для разведкі і дыверсій, у тым ліку для падрыхтоўкі пазіцый, якія могуць быць задзейнічаны ў крызісных сітуацыях супраць нас», — заявіў міністр.
Ён дадаў, што аналагічныя здзелкі выклікаюць занепакоенасць ва ўладаў Фінляндыі, Нарвегіі, Швецыі, Літвы, Латвіі і іншых дзяржаў.
У Эстоніі ўжо дзейнічаюць асобныя абмежаванні на куплю нерухомасці ў памежных раёнах і на малых астравах. На думку міністра, гэтыя меры неэфектыўныя і недастатковыя.
Беларусаў і расіян з доўгатэрміновым ВНЖ новаўвядзенне не закране. Пакуль яны па-ранейшаму змогуць купляць, прадаваць, атрымліваць у спадчыну і дарыць нерухомасць. «Мы ведаем, хто гэтыя людзі, паколькі іх біяграфія была праверана пры выдачы доўгатэрміновага віду на жыхарства, і падстаў для забароны ў іх выпадку зараз няма», — патлумачыў Таро.
Паводле даных на 9 студзеня, у Эстоніі пражываюць 1190 грамадзян Беларусі з доўгатэрміновым відам на жыхарства і 1476 — з часовым.
Релоцировались? Теперь вы можете комментировать без верификации аккаунта.
Агрессивная рашка и тут беларусам гадит. Именно из-за нападения рашки на Украину страдают все люди.