Exadel прапанавала «валюту» за добрыя водгукі ў інтэрнэце
Кампанія плануе павысіць рэйтынг на платформах Glassdoor, Indeed, Dou.ua, dev.by.
Чытач dev.by даслаў урывак з карпаратыўнай рассылкі кампаніі Exadel. У лісце кампанія абвяшчае пошук «энтузіястаў, якія жадаюць падзяліцца аўтэнтычным і пазітыўным досведам». Іх просяць павысіць рэйтынг Exadel на платформах накшталт Glassdoor, Indeed, Dou.ua, dev.by.
«Гэта, у сваю чаргу, прасуне брэнд Exadel, прыцягне ўвагу, палепшыць нашую рэпутацыю і дазволіць прыцягнуць больш выбітных талентаў», — гаворыцца ў лісце.
Каб уключыцца ў кампанію, трэба зарэгістравацца па спасылцы да 15 верасня і быць на сувязі з камандай маркетынгу. Тая прапануе прыдатныя сайты, дзе трэба пакінуць водгук або запоўніць анкету.
У якасці «сардэчнай удзячнасці» за выдаткаваны час кампанія ўзнагародзіць супрацоўніка (яго называюць Brand Ambassador) 10 Exadel Store coins.
Паводле слоў чытача, Exadel Store coins — гэта карпаратыўная валюта, якую можна мяняць на мерч. Што можна «купіць» на 10 манет, ён не змог сказаць: «Не хачу лагініцца».
— Чакайце пазітыўных водгукаў на dev.by, — папярэдзілі нас.
Мы тэрмінова зайшлі ў раздзел «Кампаніі» і ўбачылі 48 водгукаў на Exadel, спрэс станоўчыя. Дзеля справядлівасці: апошні датаваны канцом ліпеня.
Чакаем хвалю пазітыву!
Wanted. Калі вашая кампанія прасіла/патрабавала пакінуць пра яе добры водгук (або адклікаць дрэнны), напішыце нам у @devby_insight_bot. Гэта ананімна.
dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам, увагай і данатамі.
І яшчэ крыптой, тут кашалькі.
Дзякуй, што прачыталі гэтае паведамленне.
Читать на dev.by