IBM звальняе тых, хто адмовіўся вярнуцца з аддаленай працы, разганяе аддзелы, замяняе людзей на АІ
Крыніца The Register расказала, што IBM праводзіць так званыя «мяккія скарачэнні» ў падраздзяленні па фінансах і аперацыйнай дзейнасці. Ініцыятыва закранае прынамсі яго супрацоўнікаў у ЗША. «Мяккія» — бо людзей падштурхоўваюць сысці самім, патрабуючы вярнуцца ў офіс. У прыватнасці, ад іх патрабуюць пераехаць у радыус 50 міль ад аднаго з двух офісаў у Паўночнай Караліне або Нью-Ёрку. У адваротным выпадку яны могуць прыходзіць па выходную дапамогу, якая складзе 3-6 заробкаў у залежнасці ад стажу ў кампаніі.
Крыніца The Register расказала, што IBM праводзіць так званыя «мяккія скарачэнні» ў падраздзяленні па фінансах і аперацыйнай дзейнасці. Ініцыятыва закранае прынамсі яго супрацоўнікаў у ЗША. «Мяккія» — бо людзей падштурхоўваюць сысці самім, патрабуючы вярнуцца ў офіс. У прыватнасці, ад іх патрабуюць пераехаць у радыус 50 міль ад аднаго з двух офісаў у Паўночнай Караліне або Нью-Ёрку. У адваротным выпадку яны могуць прыходзіць па выходную дапамогу, якая складзе 3-6 заробкаў у залежнасці ад стажу ў кампаніі.
Гаворка ідзе толькі пра згаданае падраздзяленне, якое, на думку кіраўніцтва IBM, праядае зашмат грошай і не мае ранейшага стратэгічнага значэння. «На замену людзям будзе ўкаранёны АІ. Працягнуць аўтсорсіць і наймаць выпускнікоў. Яны хочуць, каб падраздзяленне было нешматлікім, і паралельна інвеставаць у іншыя напрамкі, напрыклад, у кансалтынг, да якога стаўленне спрыяльнейшае, паколькі яно прыносіць даход бізнэсу», — сказаў суразмоўца выдання.
The Register адзначае, што RTO-палітыку як падставу для выцяснення лішніх супрацоўнікаў, не прыцягваючы ўвагі масавымі скарачэннямі, сталі выкарыстоўваць шматлікія кампаніі. Яны люта змагаюцца з аддаленай працай, росквіт якой прыпаў на пандэмійныя гады, і прымушаюць супрацоўнікаў быць на месцы ад трох дзён на тыдзень, як у IBM, да пяці, як у Amazon.
Крыніца The Register кажа, што наведвальнасць трэкаецца менеджментам, пра яе пастаянна нагадваюць на сазвонах, у імгненных паведамленнях і імэйлах. Ганяюцца за тымі, хто не падпарадкоўваецца, палохаюць вышэйшым кіраўніцтвам і звальненнем.
У гэтым сутнасць «мяккага звальнення» — IBM разлічвае, што частка супрацоўнікаў адмовіцца рэлакавацца або зноў марнаваць час на дарогу да офіса і палічыць за лепшае ціха сысці з уласнага жадання без неабходнасці гучна праводзіць скарачэнні. Паводле ацэнак выдання, за 2024 год кампанія звольніла каля 9 тысяч супрацоўнікаў. У 2023-м было анансаванае скарачэнне амаль 4 тысяч.
Паводле слоў суразмоўцы The Register, тое, што адбываецца, турбуе менеджараў сярэдняга звяна, паколькі разам з людзьмі іх каманды губляюць шмат скілоў, і эфект ад гэтага рашэння вельмі адчувальны. Сысці па-ціхаму людзям прапаноўваюць апошні год, а менеджмент не толькі засяроджаны на звальненнях, але і замарудзіў найманне. Гендырэктар заяўляў, што АІ заменіць «тысячы» супрацоўнікаў. Крыніца мяркуе, што па выніку гэта будуць дзясяткі тысяч.
Між тым IBM спрабуе прасоўваць фірменную платформу watsonx для інтэграцыі АІ у дзейнасць кампаній. Суразмоўца The Register сцвярджае, што найбліжэйшыя 5+ гадоў упор будзе на найманне спецыялістаў па АІ, машынным навучанні і дата-саенсу, працягнецца аўтаматызацыя ў тых галінах, дзе АІ спраўляецца з працай чалавека, напрыклад, эйчараў, а таксама працягнецца выцясненне людзей са стратэгічна менш важных напрамкаў.
Хочаце паведаміць важную навіну? Пішыце ў Telegram-бот
Галоўныя падзеі і карысныя спасылкі ў нашым Telegram-канале
Абмеркаванне
Каментуйце без абмежаванняў
Рэлацыраваліся? Цяпер вы можаце каментаваць без верыфікацыі акаўнта.
Anonymous
20 лютага 2025, 14:31
0
В прошлом году на IBM подали в суд в штате Миссури после слитого видео за расизм против белых мужчин при приеме на работу. Это все что нужно знать об IBM.
Рэлацыраваліся? Цяпер вы можаце каментаваць без верыфікацыі акаўнта.
В прошлом году на IBM подали в суд в штате Миссури после слитого видео за расизм против белых мужчин при приеме на работу. Это все что нужно знать об IBM.