Аддзел навін 25 лютага 2025, 18:26

АІ-асістэнт для праграмавання ад Google стаў бясплатны для ўсіх — і амаль без абмежаванняў

Індывідуальным карыстальнікам стаў бясплатна даступны карпаратыўны кодзінгавы інструмент Gemini Code Assist ад Google. Пра гэта кампанія расказала ў сваім блогу.

Пакінуць каментарый

АІ-асістэнт для праграмавання ад Google стаў бясплатны для ўсіх — і амаль без абмежаванняў

Індывідуальным карыстальнікам стаў бясплатна даступны карпаратыўны кодзінгавы інструмент Gemini Code Assist ад Google. Пра гэта кампанія расказала ў сваім блогу.

Пакуль Code Assist for Individuals выйшаў у рэжыме прэв’ю. Пісаць код з дапамогай АІ-асістэнта цяпер змогуць студэнты, распрацоўшчыкі-аматары, фрылансеры, невялікія стартапы і іншыя карыстальнікі.

Інструмент дапаможа ў навучанні праграмаванню, напісанні і адладцы кода, а таксама мадыфікацыі існых праграм — без неабходнасці пераключацца паміж вокнамі або копіпасціць інфармацыю з розных крыніц.

Gemini Code Assist можа генераваць код, дапаўняць код па меры напісання карыстальнікам або даваць парады праз чат-бота. У яго аснове, як і ў карпаратыўнай версіі, ляжыць мадэль Gemini 2.0. Яго можна ўсталяваць у асяроддзі Visual Studio Code, GitHub і JetBrains. Цяпер ён падтрымлівае 38 моў праграмавання. Кантэкстнае акно складае 128 тысяч токенаў.

Звычайна ў бясплатных АІ-кодзераў ёсць ліміт на колькасць падказак на месяц, але Google выявілася вельмі шчодрай. Калі GitHub Copilot на аналагічным тарыфе абмяжоўваецца 2 тысячамі фрагментаў кода, то столь Gemini Code Assist — 180 тысяч, які, паводле слоў Google, складана перавысіць нават прафесійным распрацоўшчыкам. Між тым у бясплатнай версіі адсутнічаюць некаторыя прасунутыя бізнэс-функцыі.