Без ботаў і ШІ: з'явілася «цалкам чалавечая» сацсетка, дзе ў кожнага юзера — «пацверджаны пульс»
Амерыканскі вытворца фітнес-трэкераў Whoop запусціў платформу Whoop Humans — яна нагадвае сторыс Instagram, толькі замест звычайных публікацый у стужцы адлюстроўваюцца абнаўленні з дадзенымі фітнес-трэкераў вашых сяброў, паведамляе The Verge.
У Whoop сцвярджаюць, што іх пляцоўка «цалкам чалавечая» — у адрозненне ад іншых сацсетак, якія «напханыя ШІ, аўтаматызаванымі акаўнтамі, ботамі і згенераваным кантэнтам».
Амерыканскі вытворца фітнес-трэкераў Whoop запусціў платформу Whoop Humans — яна нагадвае сторыс Instagram, толькі замест звычайных публікацый у стужцы адлюстроўваюцца абнаўленні з дадзенымі фітнес-трэкераў вашых сяброў, паведамляе The Verge.
У Whoop сцвярджаюць, што іх пляцоўка «цалкам чалавечая» — у адрозненне ад іншых сацсетак, якія «напханыя ШІ, аўтаматызаванымі акаўнтамі, ботамі і згенераваным кантэнтам».
Паказчыкамі са сваіх прыладаў могуць дзяліцца ў ёй уладальнікі бранзалетаў Whoop. Тут можна адкрываць іншым удзельнікам доступ да сваіх метрык, актыўнасцяў і дасягненняў, публікаваць «Моманты» (Moments) у фармаце гісторый з фотаздымкамі і подпісамі, а таксама пакідаць каментарыі і рэакцыі пад публікацыямі іншых людзей.
Генеральны дырэктар Whoop Уіл Ахмед назваў Humans «самай сапраўднай чалавечай сеткай» у гісторыі, падкрэсліўшы, што «кожны акаўнт прадстаўляе рэальнага чалавека з пацверджаным пульсам». Пры гэтым у кампаніі ўдакладнілі, што існуючая сацыяльная функцыя Teams застанецца даступнай — яна дазваляе дзяліцца дадзенымі пра нагрузку, аднаўленне і сон, а таксама змагацца ў групавых лідарбордах.
Ва ўкладцы «Супольнасць» (Community) дадатку Whoop карыстальнікі могуць перагортваць «Моманты» людзей, на якіх яны падпісаныя, — як стужку сторыс у Instagram, але з паказчыкамі фітнес-трэкераў сяброў. Напрыклад, свайп уверх па публікацыі з фотаздымкам з прабежкі адкрывае мапу маршруту і дэталі накшталт тэмпу і дыстанцыі. Там жа адлюстроўваюцца картачкі ўдзельнікаў «супольнасці» карыстальніка з іх ацэнкамі сну, аднаўлення і нагрузкі.
Карыстальнікі самі выбіраюць, якімі менавіта актыўнасцямі, дасягненнямі і паказчыкамі дзяліцца ў Humans — у тым аднаўленне, нагрузку, сон, варыябельнасць сардэчнага рытму і пульс у стане спакою. Любыя актыўнасці, пазначаныя як канфідэнцыяльныя, па замоўчванні не публікуюцца. «Моманты» можна зрабіць прыватнымі або ўключыць «Рэжым невідзімкі» (Stealth Mode), каб часова схаваць дадзеныя пра здароўе і трэніроўкі.
Релоцировались? Теперь вы можете комментировать без верификации аккаунта.