Штодня ў ЗША працу губляюць 720 айцішнікаў. Тэмп скарачэнняў не знізіўся
Ад пачатку года амерыканскія тэхналагічныя кампаніі працягнулі маштабныя скарачэнні персаналу, звольніўшы 42 324 супрацоўнікі. Сярод прычын — гонка за штучным інтэлектам.
Паводле даных Layoffs.fyi, штодня працу ў тэхналагічным сектары ЗША страчваюць 780 супрацоўнікаў. Летась працы ў гэтай сферы пазбавіліся 263 тысячы чалавек. Такім чынам, за першыя два месяцы 2024 года дынаміка скарачэнняў не знізілася. Усяго ў эканоміцы ЗША ў студзені былі створаныя 353 тысячы новыя працоўныя месцы, праблемы з занятасцю назіраюцца пераважна ў тэхналагічным сектары.
Эксперты лічаць, што жорсткая палітыка скарачэнняў звязаная ў першую чаргу з імкненнем скараціць выдаткі і палепшыць паказчыкі для акцыянераў і інвестараў. Таксама на дынаміку працоўнага рынку ўплывае бум штучнага інтэлекту, які змушае кампаніі адшукваць усе даступныя рэсурсы для развіцця гэтага кірунку, нават у шкоду інтарэсам супрацоўнікаў.
Читать на dev.by