Фішынгавых рэсурсаў у Telegram стала ў 5 разоў больш ад пачатку года

Бум фішынгу здарыўся на пачатку 2023 года і яго аб’ём працягвае павялічвацца. У другім квартале колькасць спробаў пераходу расійскіх карыстальнікаў на фішынгавыя рэсурсы павялічылася на 39% у параўнанні з першым кварталам. Таксама актыўнасць махляроў пацвердзілі «Лабараторыя Касперскага», кампаніі StopPhish і «Гарда Тэхналогіі».

З дапамогай фішынгавых паведамленняў ашуканцы разлічваюць зацікавіць або ўсхваляваць карыстальніка, каб выцягнуць з яго альбо ўліковыя даныя месенджара, альбо плацежныя або іншыя персанальныя звесткі. Пасля атрымання доступу да чужога акаўнта зламыснікі пачынаюць рассылаць шкодныя паведамленні яго кантактам. Верагоднасць паспяховага ўзлому чужога акаўнта прыкметна павялічваецца.