Алеся Чапкевич bel 10 кастрычніка 2025, 10:35

Flo трапіў у топ самых хуткарослых стартапаў Еўропы

Медыяплатформа Sifted штогод публікуе рэйтынг самых хуткарослых стартапаў Еўропы па дынаміцы выручкі за апошнія гады. На гэты раз у яго трапіў менструальны трэкер Flo, які базуецца ў Вялікабрытаніі.

Пакінуць каментарый

Flo трапіў у топ самых хуткарослых стартапаў Еўропы

Медыяплатформа Sifted штогод публікуе рэйтынг самых хуткарослых стартапаў Еўропы па дынаміцы выручкі за апошнія гады. На гэты раз у яго трапіў менструальны трэкер Flo, які базуецца ў Вялікабрытаніі.

Лідарам спіса стаў нямецкі сэрвіс падпіскі на аўтамабілі Finn, у якога сукупны сярэднегадавы тэмп росту (CAGR) даходаў склаў 1078%. У топавую тройку таксама ўвайшлі шведская медыцынская платформа Yazen і нямецкі ШІ-інструмент для аўтаматычнага стварэння нататак па сустрэчах Tl;dv.

Flo з гадавым прыростам выручкі ў 330,84% заняў 39 месца. Гэта найлепшы вынік сярод 11 адзінарогаў, якія трапілі ў спіс у гэтым годзе.

Каб трапіць у рэйтынг, стартапы павінны адпавядаць шэрагу крытэрыяў:

базуюцца ў Еўропе,
заснаваны не раней за 2014 год,
іх штат не перавышае 999 чалавек,
яны прыватныя і незалежныя,
большую частку выручкі ім прыносіць фірмовая тэхналогія,
наяўнасць выручкі мінімум тры гады,
выручка мінімум €50 тысяч у базавым годзе, з якога пачынаецца адлік (2020, 2021 ці 2022),
выручка мінімум €500 тысяч у апошнім фінансавым годзе (2022, 2023 ці 2024).

Прычым стартапы самі павінны падаваць свае заяўкі на разгляд. Поўную версію рэйтынгу можна паглядзець па спасылцы.