Flo адзначылася ў спісе найлепшых вынаходак года па версіі TIME

У чэрвені 2022 года Вярхоўны суд ЗША прыняў рашэнне, якое аўтаматычна адмяняла права на аборты ў шэрагу штатаў. Гэта выклікала асцярогі за захаванасць адчувальных дадзеных у карыстальніц трэкераў менструальнага цыклу.

У верасні таго ж года Flo дадала ў праграму ананімны рэжым, у якім ключавыя звесткі, напрыклад, звесткі аб цыклах і сімптомах, пераносяцца ў новы ўліковы запіс, які не ўтрымлівае ніякай персанальнай інфармацыі. Функцыя рэалізаваная ў партнёрстве з Cloudflare. У гэтым годзе Flo выклала яе зыходны код на GitHub.